إنت رايق - منتديات السلطنة الأدبية

22-10-2013, 03:40 PM

عبدالملك البلوشي عبدالملك البلوشي غير متواجد حالياً

شاعر

تاريخ التسجيل: Apr 2010

المشاركات: 65

إنت رايق

يومين من فرقى المحبيين ضايق
والشوق ياخذ في خفوقي ويآتي

ياللي سرقت النوم من عين رايق
إليا متى ببقى ف حبك أحاتي

متقول لي .. إليا متى فيك ذايق ؟
هذا العذاب ولوعته في مباتي

ما قلت لك من قبل بأن الدقايق
ماهي دقايق .. وإنت ما في حياتي

سويت لك ياللي تبي وإنت عايق
مافي أحد فالحب سوى سواتي

كلما يأذن بالفجر .. منك فايق
يمرني طيفك وأنا في صلاتي

ومن كثر ماني ب هالدرب صرت سايق
حتى المباني تعرف اللي بسكاتي

ولعتني يا شوق شوف الحرايق
في وسط جوفي تشتعل بلتفاتي

جربت أوصل لك بكل الطرايق
يمكن طريقة تشفعلي ل ذاتي

أرسلت لك مع ورد .. عشرة بطايق
مافي بطاقة جاوبتني ب تاتي

من رحت .. وإنت ب هالسفر صرت بايق
روحي وقلبي لا .. وأجمل صفاتي

إرجع يا قلبي آه ماني بطايق
هذا البعد .. أرجوك لملم شتاتي

إشتقت لك .. إشتقت لك .. وإنت رايق
بالله حس بلهفتي يا حياتي

التعديل الأخير تم بواسطة عبدالملك البلوشي ; 23-10-2013 الساعة 02:05 AM

« الموضوع السابق | الموضوع التالي »

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 05:33 PM.