يادمعة حـزن بقلمى / سهام ماجد

[سهام ماجد]

يادمعــة حــــزن







يا دمعـة حزن عنى غيبى واوعى تانى تقـربى
م الأحـزان انا هشـتريكى يلا روحى واهـربى
أنا ياما شفت كتيـرأسيه ياريـت عنى تبـعدى
كل ما أقــول للفرح يجى يمشى معاكى وتغربى




كل الجراح منى خلاص عرفت طـريقى وسـكتى
الفرح راح والحزن قـال إمشـى معايـا و اسكتى
مشـيت معـاه رحـلة عذاب قـلت .. إمتى تنتهى
حـلمت يوم أنسى الهموم والدنيا تسمع ضحكتى




كتير حاولت بنفسى أهرب واسكن بعيد عن الأحزان
رميت ورايا كل الهموم وقلت مـرة أعيش ف أمان
يـادوب سـاعـات .. ووقت فات .. ما لحقت أوصل
شفت جرحى اللى كان .جرى وسبقنى بنفس المكان




لاقيتنى تايهـة جوا منى مادريت سـاعتها كـنت فين
سألت نفسـى إيـه حـكايتى وليه دموعى ع الخـدين
مشيت طريق لأ كام طريق ما لقيتـش فيهـم سـكتى
نسيت مكانى وتاه زمانى مالقيتش غير قلبى الحزين




بقلمى
سهــ ماجد ــام