ظلمني كثير هالدهرا

[كاملة البلوشي]

السلام عليكم ورحمة الله وبركاته
اصعب شي في الدنيا الظلم والمعانه
وكيف لو كان من ناس لهم معزه بالروح
اتمنى قصيدتي تنال اعجابكم

سهام الحب تتساقط بلا رحمه على الصدرا
انا إِش حيلتي بصبر مَدام الحب هو عذري

الا يا كم قسى بختي ظلمني كثير هالدهرا
حلوم العشق تتوارى عن عيوني وانا ادري

اخذت الليل واشعاره تبيح بنوره القمرا
جمعت الشوك بيديني حسبته حلمي الزهري

بنيت آمال مجروحه حفرت بظلمتي قبرا
الايا مصعب الخافق همومه كالنهر تجري

تعبت آشيلها جروحي بعد ماملني الصبرا
ربيت وطبع ايامي اذوق الهم من صغري

يجيني السعد لحظه ياهلي وكنّي على الجمرا
معاناتي اسطرها حروفٍ بالاسى تسري

حسافه جارت آمالي وخانت لحظتي العمرا
قليلة بخت يادنيا كفاية حزن ياقدري

جميع الناس تظلمني ولا حد لاحظ الكسرا
الا ياربي سامحهم انا فوّضت لك امري

بقلم كامله البلوشي

فوضت امري الى الله