جـــــــــــرح الشـــــــــرف

[سعيد الحبسي]

جرح الشرف

ابتدت حرب الفساد وطاحت اركان المدينة
هاجمت باحت ذممها دون تهديـــد الســلاح

حوّلت حلم السنين الطهر لــي قفرا حزينـة
دم ينزف ام تبكي شــايب بصــدره جــراح

مزّقت ثوب الأماني باتت العذراء طعيـــنه
تستغيث الموت ارحم من شرف بنت ٍ يباح

والمسن إللي انحدب ثـم قـــد تعقّد حاجبينه
ما منعه العمر يوم ٍ لا سمع صـوت الفلاح

امتنـــع مــن سـالفـة بنـت ٍ تمنـاهــا دفينـــه
افتــرش سجادته فـي ظلمة الغــرفة وصاح

كانت الدنيا حياته ضحكته هــي شوف عينه
لجلها يــا كـم تعنـا ضـاق مــن مُــر الكفـاح

والعجوز إللي اسهرت لجلك وثوب ٍ تلبسينه
تختنق مــن ذوق علقم ســم جرعاتـه ذحـاح

كانت تشـوفـك سعــدها حلـم جيتـي تحققينـه
خـانها الحلـم وتهـــاوت سيّلت منهـا البطاح

الذياب إللــي تخفـــّى نــابهــا ولا هــي تبينه
لا تآمــن غـــدرها لو ضحكهـا شق الصباح

للأسف من قال احبك كـــن كلك ترتجينــــه
وارتميتي فــي متـونـه تطلبي عفــو السماح


ايتمـادى فــي فعــاله ولا قـــدرتي تمنعينـه
حـال طير ٍ دم ينـزف مــن كسور ٍ بالجنـاح

بالكـذب يـرسم بــلاد ٍ حـالمـه وتصـدقينــه
يفــرش لأرضك زهـور وثــم نامي برتياح

ينسـج خيـوط الأمانـي مـن شفـاته ثـم يديـنه
تنهشـك نهش الـذياب ويبتدي صوت النواح

صرتـي وبغداد واحد ف الأسر بتّي سجينه
كلهم صوبك تهاوى واعتلى صـوت النبـاح

كلهم يرفع شعـار ٍ ف الصبح يا كيف زيــنه
مـن طـرف آخـر مدينه قـد تعنـوا للصــلاح

مـع غياب الشمس تظهـر نية المحتل لعيــنه
يقسم الثروة ويضحك وقت تعصفك الريــاح

دام فيك الخير يجلس ( واقع ٍ غصب ٍتبيـنه)
ولا نشف منبع ورودك ارتجل عنك ورااااح



سعيد بن حارب الحبسي

[/center]