يا بحــــــر ..

[عمـاد البـلوشـي]

يا بحر..



ألا يا بحر ما لقيت اللي يواسيني
يحمل آلامي على كتفه ويرسى

دخيلك ساعدني كثر هموم ناسيني
خلني أفك عمري من همومي وأنسى

هذاك اللي جرح فؤادي وقسى فيني
وأنا اللي ما فكرت بيوم عليه أقسى

بعد عني وفارقني وأظلم سنيني
بدروس الحب مدرس ما حلى درسه

لا عدت أشوف بأعيادي من يهنيني
راح ولا بقى قطرة ذكرى من كاسه

في وحشة ظلمة القسوة كان ضاويني
واليوم يسافر وعلي بسفرته يقسى

يا بحر شفت جفا اللي قسى فيني
يا بحر خبرني اشلون تستوي هالرمسه

طول اليوم معي ملازمني ومخاويني
وفي لحظة يختفي يومه ومن أمسه

سن لي قوانينه ولخبط لي قوانيني
حرمني شوفته وحرم علي لمسه

واليوم ع الشاطي أذكره بغناويني
شسوي مشتاق شوفته وفاقدٍ حسه

ما هقيت اللي يفارق بالمفارق يبليني
يا بحر ان شفته قله من الكذب بسه

ما كان على الغالي يساومني ويساويني
كيف بعد الغلا كله أنسى أنا همسه !



عمــــــاد البلــــــوشي