تكــبرت

[حمود الحجري]

المشاركة الأصلية كتبت بواسطة الصائغ

تكّـــبرت

غرك جمـــــالكِ يا حبيبي وتكبرت
..........ألين كبرك عم نواحـــــــــي ألمدينه

عذبت روحــي ومن فعلتك تحيرت
..........وفيضت عيني من مـــــــدامع سجينه

خليتني وركبة بحرك وسافرت
..........ما ذاق جفني بعد طعنــــــــك سكينه

كتبت اسمك فـ المـــواني ودورت
..........جبت الشــــواطئ مـ القيت السفينه

مر في خيالي ورد طيفك وعطرت
..........شف زاد قلبــــــــي في غيابك ونينه

يا كبرها من قال خنت وتآمرت !
..........وخليت في ظهري طعون(ن)دفينه

من يومها..وأنا على الكــل قررت
..........أنسى لبأس الطيب وأنســـى سنينه

منك السمـــــــوحه كان عنك تأخرت
..........ما عاد قلبي يطيــــق ضمة ضنينه

من شفتني زدت فمشيتك تمخطـرت
..........وما عدت أقوى ذوق عيشه مهينه

خلاص يا عمري عن الود أخرت
..........والحب من صــدري مكفكف حنينه

عفت المحبة من سجونك تحررت
..........كف الحقــــــد ما عاد عندي ظغينه

شعري كتبته لأجل عينك وسطرت
..........أبيات تبكي من قوافــــــــي حزينه

مرت سحايب في سمـــانا وفكرت
.......... كم غيمةٍ حبلــــــــى بتغسل جبينه

غرك جمـــــالكِ يا حبيبي وتكبرت
..........ألين كبرك عم نواحــــــي المدينه


وسلامتكم

الصائغ
كنت هنــــا

فقط في هذا البيت :
غرك جمـــــالكِ يا حبيبي وتكبرت
..........ألين كبرك عم نواحـــــــــي ألمدينه

لو استبدلت كل عوض نواحي
لكان أخف
ألا ترى ذلك يا صديقي ؟؟