................... /// يــمّــك دروبـي \\\ .................

[عامر بن محمد الحجري]

السلام عليكم ورحمة الله وبركاته

صباحكم / مسائكم نوووور وسرووور أساتذتي

لقد طال الغياب ، والحمدلله أمس انتهت اختباراتنا


فعسى تواجدنا الآن يشفع عن غيابنا ،،، ولو لقليل


نص بسيط ، أرجوا أن ينال على رضاكم


تـرا يـمّـك دروبـي علـى ماتـبـي وتـريــد
وعلـى ماتبـي يفـداك مسعـاي واْسلوبـي

وعلى ماتبي بالـذات لـك انـت بالتحـديـد
تـدلّـل وآمـرنـي ولــك بـرســم اْدروبـــي

يفـيـض الشعـر بحـكـاك ويغـردك تغريـد
ويفـزّ لـك قلـبـي ليااقبـلـت لــي صـوبـي

تـفـرّدت عـن كــل المخالـيـق بالتجـديـد
وتـجـدّدت بالتفـريـد فالـلـبـس والـثــوبِ

عليـك الحسن بالوصف مايقبـل التعديـد
وكـم واحــدٍ يحـسـدك ،، ويــرد ويـتـوبِ

حويت الدلع مالشرق والـذوق فيك يزيد
وفيـك الغنـج مفنـود مـن ساحـل اْجنـوبِ

صفـاتـك صفـاتـك نــادره ماتـبـي تأيـيـد
وايحق لك تفخر وتعلنها "مـن يوبـي"!؟

عطـاك الـولـي حسـنٍ وقيـدتـنـي تقـيـيـد
طلبـتـك أمـانـه تنـظـر لـحــال مطـلـوبـي

تمالك على هونـك وخفف مـن التشديـد
تـدلــع وخـلّـيـه الـشـعــر دوم مـكـتــوبِ

أنا لك أنا لك ،وانت لي أسعد مـن العيـد
وجربـك رجـاي وشوفتـك كــل مطلـوبـي

ولا يـزعجـك يا صاحبي فالحسود ايكـيـد
بتفريقـنـا مسـعـاه ،، بالحـيـل محـسـوبِ

وترا يـمـك دروبـي عـلـى ماتـبـي وتـريـد
وعلـى ماتبـي يفـداك مسعـاي وأْسلوبـي


هذا ،، وإلى لقاء قريب إن شاءالله

تحياااتي للجميع // وأعذروني على الغياب


سلاااااام