إعلان : مسابقة في شعر فن الرزحة

[سليمان الرواحي]

السلام عليكم

من كلمات سليمان بن عبدالله الرواحي
***********************

ألا يالموده خليتي الفؤاد عطيل
وينوح نوح الراعبي ف دوحته
قلبه صحيح و قلبي ما يبات الليل
هيمان يشكي الحرقفان و ليعته
أول سقاني من شراب السلسبيل
واليوم يسقيني الحبن بمرارته
لي صاحبن ما له صقيب ولا بديل
غرن غريرن عدملين صورته
الوجه بدر بازغ والخشم الجميل
بدر كمل سنه ف صافي ليلته
والفرع ضافي والغداير له تشيل
متحالكا مثل الضلام سوادته
العين سودا و الهدب سوى ضليل
حراس عينه من الرمد و قذاذته
والخد يسني كنه براق ف مخيل
حمر الوجن ورد و وسن بغلالته
طعم الشفايا شهد من جبل الرسيل
يشفي السقايم ويبريهن علالته
ومعنق يشبه على ظبي السليل
رابي على فناقه وطيب فراحته
أما الصدر براحه مسحوب وصقيل
كنه سجنجل غالين في قيمته
والتين يزهى و شفى حال العليل
بالعنبر الغالي يتضوع ريحته
والخصر حسبة شبر مهضوم ونحيل
مثل السجل مطواي ومحلى طيته
والردف نابي في شوف النظير ثقيل
يتمايلبه ان خطى في مشيته
ليمن مشى مشي القطا وقت المقيل
يخطر على قلب الشقي بخطوته
نفحة ردونه مسك من مسافة ميل
يحيى به الميت و ترجع سيرته
قصرت وصفي وخايف من قال وقيل
صلاة محمد عن عيون المبهته
ويا لابتي ف شفه تراه طايح قتيل
ثيبوا دريك طاح وحانت ساعته
والخاتمه قرينا حالهم تسجيل
عسى يسمعوا له فؤادي وصيحته
هذا مثالي وشد يا صاح الرحيل
شله و حفظه عن يعلموا لابته