عابر سبيــــــــــــــــــــــل ...(إهداء لحمــود المهزاع) ..^_^

[كمالية بنت السلطنة]

صباحكـم طيب ..
بعــد قراءة الردود لنص (يا بعـد ناسي )
ثمـة رد ..مثل ما يقولون أثارني ..لحمـود المهزاع ..
فحبيت أحط نص ( عابر سبيــل )
أتمنى ينال الاعجــاب ..

وش حيلة اللي صار صمـته (كلامـه) .
يبحر بأحزانه ويجدف بلاويـه ..

ما عاد يسمع للــهرج والملامـة ..
ما(لكل واحـد جرحٍ وهمْ يكفيــه)!

هذه حياته ...ماشي ٍ في هيـــامـه ..
ما يتلفت للي تسمى بـــ (ماضيــه)

وإن ضاق صبره ..ما يضيع إحترامـه ..
يفزع بـــ نخوه لكل من هوْ يناديه ..

يطوي الليالي ما تهنى أف منامه ..
يناجي أبـــ خا\ـفي العبرات غاليـــّه ..

ليته سمع له وأستقر أف مقامه ..
ودواى جراحٍ مقفيه في خوافيـه..

كل البشر تنشد وش بهْ؟ علامـه! ...
ويــالتها تقدر تحس به وتداويه ...

بــ وسط البرايا يتسمع للحمامه ..
حمامة ٍ تبكي والأهـــات تهديه ...

تشكي رفيق ٍ طار ..مابهْ ندامه ..
وألفت حزينه,ضايعة في أراضيه

من هوْ يصبْره؟وين يلقى الشهامه؟ ..
ونشــامة ٍ بين خلق الله تجاريه ..

غريب في أرضـــه ومالـه إقــامـــة ..
(عابر سبيــلٍ) ما لقـــى من يراعيــه ...

يا حيف نـــاسٍ ماتـــرد له ســــلامــه ..
وياذل قـــلبٍ ..أصبح اليوم جـــافيــه ...

ينزف من طعــون حبّــه وسهامـــه ..
ياكيف يقدر بس خلّه يعاديـه؟ ..

ماقـــدّ حس بطيبـــته وإهتمـــــــامه ..
يضحكـ لغيره ,يبكي لامر طاريــه

الشكوى لله داري أبـ كل هامه ..
يعلم بعبده وقـــادر أنه ينسيه ..

ينسى ويقسى ,يفرح أبلا غرامه ..
ويعيش راحة (مشتري منْ يداريـه) ...


والسمـوحة عــاد ..لو صارت لخبطـة في الوزن ..^_^

كمــــــــــــــــــــاليــــة ...