\\مواجع\\

[دمعه يتيمه]

طابت أوقاتكم جميعا

\


\






أبي طيفك يراودني،يبعثرني حنين
تمنيتك هنا أتنفسك حدّ الجنون

ظمت كل الحنايا لك وهامات الجبين
على صدرك أبا أغفى وتصحى بك عيون

أبشكيلك وبحكيلك حكاية هالسنين
سنين(ن)تقطع احبال المودّه بالطعون

نفوس(ن)في عسلها سم،تدسّه بالدفين
وأرواح(ن)نبت من نابها حقد الضغون

سكن حب الأنا والذات والغلّ الثخين
قلوب(ن)غلّها معتم كسى عتمه مجون

عواذل يهتكون العرض نشوة خاينين
ونا فيني متاهاتن تهيضني وتصون

تزيّد فيني اجراحي وتدثرني حزين
غليل(ن)بات في جمره وحسرات وسكون

مواجع تعتريني وأذبلت بي ياسمين
يـ بويــــه هالعمر يرثي زمانن به تمون

تخيلتك معي تسمع مع الزفرة أنين
تكفكف دمعة الوجنا وأحيابك حنون

وتفرش لي بساط الريح ونحلّق لوين
يودّينا البساط ابكيف ما ننوي نكون

دخيل الله لو ترجع لي الصورة لحين
لكان آكحل الصورة عيوني والجفون

يـ ملهم أحرفي تحناان،ياالدر الثمين
محال البين يهدم في ضلوعي هالركون

أبدعيلك لآخر رمق مني يا ضنين
يوسّع ربي ف قبرك ويمطر به مزون

يطيّب تربة أرض(ن)هي تنبت الطيبين
وينبت عشب يانع من ثرى جذره غصون

\\

\\

مودتي