ميادين بمناسبة شهر رمضان

[خليفة الصائغ]

القصائد شارحه عن ذاتها


خليفة الفارسي :
الشايب موصي هلال الخير
بخنيزي وبرني برم ضاني
القاضي ينشــدو من خليفة
وهذي تهـــــاني من خليفة
يوم أقدم علينـا هلال الخير
عليكم بهنــــــي برمضاني


الشاعر يحيى الغافري
ولدك عن الظل يالرمضان
وأكلك عيبني م عص يامك
تمرك حلو زين لهــــــلالي
ونراقب بشوق لهــــــــلالي
ويالله عكل حول يالرمضان
نهنى بقيامك مع صيـــامك


الشاعر عبدالله العلوي
يوم ينهش الذيب رح بنـــابه
يابنتي إذا البر ترحــــــي به
شافو الربع أمس بالرم ضان
ولدك يلن شــــــب باسه لك
أبارك هل الخير بالرمضان
وتالي عن علــــــوم باسالك
خليفة حن اليـــــوم رحبنابه
قلنا هــــــــلا وألف ترحيبه



الشاعر مبارك الصلتي (ابو مسلم)
أجود تمرها عمـــان فرض
ويتمجدوا الناس بخــلاصي
حساب الفلك مثل فلـــم يعاد
نحرسه على شوق فالميعاد
ربك علينا الصيــــام فرض
حظة الذي يصوم بخلاصي


الشاعر خالد الرحبي
لي يخلط اللحم ف الخل لان
ولي يقبض الســــور بهلاله
نهني الأحبــــــاب والخلان
يوم هل رمضــــــان بهلاله


الشاعر سعيد العيسري
بناتن فهالــــــدار ومقيمات
وأشوف الولـــد راح ميعبر
حن نعرف الزين م الشيني
وقم شليني السـوق مشيني
ابشري أنا عجين ومقيمات
من قبل لطحــــــين ميعبر


الشاعر طلال الراشدي
تشكي سلامه علـــى تهاني
ولدك من العوق ون نعمه
أعاين مع الخيل بن فارس
وحيا بتهـــــانيه بن فارس
برضف تهاني على تهاني
بعيد العبــــــادات والنعمة


الشاعر محمد سباع الغافري
يزرع مع الصيف بر رمضان
وجارك نسى حــــــل ف يدار
نبغا الفــــــــــــريضه وتقبلنا
وكل التهــــــــــــــــاني تقبلنا
ويامرحبا وحـــي بالرمضان
ضيفن لفى وحـــــل في داره


الشاعر يوسف الهاجري
مع جملة الناس كل محبــــــوب
وردن زرعته وحــــــــــب بلي
أنهم من بعيد جـــــــاء رمضان
وربي أني شكرت جاء رمضان
اهني برمضان كل محبــــــوب
وكلمن صديقي ومحبـــــــــــلي




وسلامتكم ومنكم السموووحه