....... امي ... وبعد المسافة ...

[أمل عبدالرحمن]

اشوف في عينك شوق يبحر للمدينة
وبمد عيني نظرة تسوي المسافة....
شمس تحجب عن ناظري وناظرك...حب قديم
وكن المسافة هي اللي تستحي
ما كن الزمان يساوي من حبنا شئ
ويسوقني من الحب شي كبير
شي تجسد فيني وفيك .. نور الشمس اللي غطي ...يومنا
لا تجسدي صورة من الحزن اللي مضي
وبادلي الشوق بالشئ النبيل
ولو خيط من الامل خطة اثنين
سموا نفسهم عاشقين
لملمي المسافة وقربي البعد اللي استكان
وارسلي من شعاع الحب وفجري
احساس كان ميت وما استفاق الا بشوفتك
هذا هو الحب اللي كنتي تجاهلينة
ما عرفتي قدرة الا لمن استشعرتي به
سافري في عيوني الشوق هذي
واكتبي ما بدالك وعبري في غيابي
واسكني الحرف اللي تلذذ بمسمعك
واعرفي قصة هوانا وين غربها وين شرقها
ما قول الا يا طول المسافة قربي ذيك النواحي
وعيدي يا السوالف وخذيني بحضنك جدايل
وطبطبي بيدك عليا .. وشوفي دمعي اللي تكسر
واللي تكدس من قبل..... مابقي الا الورق
يشيل ويمسح دمعتي لانة اكثر السبايب
بس انتي يا امي بدنييتي غير لانك جنتي
ونتي مثل المدينة اللي حركت حناني
وجيتك وبهمي شايل لاجل القي مرادي
احساس دافئ شعورة وما تعطر الا من حنانة
( امي يا وطن وطني امي ))))
بقلم / أمل عبدالرحمن