رجال واحد عن مائة الف رجال

[أحمدبن عبدالله المعمري]

ر

الحق في وجه القوي عـــــــز واجـــــــلال

كنك تشب في عــتمة الـــــــــيل قــــــــنديل



أفضل من الباطل على ضــــــعف جهــــال

تصمت ولا ترسل سهام التـــــفـــــاصــــيل



لو تخنقك عـبره ودمع الـــــجــفن ســــال

وفاض الدمع من وسط جوف الـــــمناديل



ابني خيــــالك قصر واحـــــلامك آمـــــال

بيـــــتوجك دهــــرك فــــريد الاكــــالــــيل



لـــــــو الحزن صايم عن قلوب الاطـــفال

ما يســــقي الايتام في عــــيــــدهم ويـــل



ياللـــي ورى الأفـــاق مجهول الافـــعال

اليل ما ينكر فضل نــــــــجمة ســــهـــيل



فاحـــت على ذكــــراك ياســــــيدي دلال

بن الـــيمن والــــسم مخــــــلوط بالهيل



بعــــــدك نزل فــــي دارنا الـــــف دجال

وين الزعـــامة ياخــــوي الــــــحلاحيل



البـــارحه كــــانــت اوامرك تـــختــــال

واليـــــوم ساد الـــظلم كل الــــمداخيل



من هو يلــــوم إللي على الناس يحتال

واصل الـقـمر من وين يضوي لــنا اليل



دربل طبــول الحرف في كــــل الاحوال

دام الطرب يسعد حجول وخـــــــلاخيل



ارجـــــــال هـــيه والله عن الف رجال

لو كان دوني رجـــــــال ومواجهة فيل