ثلاث جبال

[صالح السنيدي]

(( ثلاث جبال ))

ألف أولف فوق رمـحك ولـيـفـي
ومضمرات الخيل باتـت طفـيـفـي

ميدانها ضوى وعـدى حلــيـفــي
كني على ما قلت من فاتـني مـات

والبا بديت أنسى ولا طاري الليل
عـدٍ رهين ماه وامسى على سـيــل

من وادي البطحاء بلا وادي النيل
أقولها من شفت طول المــسـافـات

والتا تـراني اليـوم ماني بـضايـق
بالي وســيــع ومـدهـلـنــه ورايــق

ممسيت أعـد نجوم والسوق بايق
سلمت والمعــنى يـــمـد العـبـارات

والثا ثلاث جبال ملئ الوسعــيــه
قهـوان والاخـضر وكور الطلـيـعه

أحصون هامات الرجال المنيعه
دامـت بروج العـز في كل لـوقـات

والجـيم جـمالٍ سـبـر للـشـدايــد
مد الحــدى والعـيـس راحت تهايـد

غزو الشمال أصعب ولا هو بكايد
أسرج خيول الحرف وتثور هامـات

والحـا حلـيم الرأي من بار رأيــه
راحت بــيارق تــنـتـشل فوق رايــه

أنصال واغمادٍ هــمــت كل غايه
وتسمسرت من فوق كتب ورسالات

والخا خبير نجوم دلــه طريقـه
ضرب الودع والرمل سـوء الوثيقة

يمن ونجم الجاه يكفي بريــقــه
بـدين والإيــمان جــزت الـــمـلمات

والدال دامت يا مـواطن بـلادي
مــواطــنٍ للــفـــخــر في كــل وادي

من عهد (مالك) والمفاخر جوادي
(سلوت) و( البطحاء) ونار الهتافـات

والذال يا ذل الرجـاء والــمــلاقـا
دام أطعــم ركــابه بقــرمل وعــاقــا

عاف العسل والسمن شرد وساقا
أيامــهــا راحت وهـــد الــمقــامــات

والراء روينا من عــدود المدينه
وســوارها حالـت وشــد الـبطـيــنــه

بــدوٍ ولا ردنا الدقــل والســفينه
جــنـاتي الصحــراء وربع المسرات

والزاء زقرنا نايـفات الخــطاما
طابـت مسامعــها لضــرب الحــساما

ويشوش راس الرمح عند القطاما
وتــكر فالــمــقـدم زفـيـــفٍ وغـارات

والسين سيـست المعالي وسـيدت
فـوق الرواسي البيض أيـضاً وعــيـدت

هابت ملوك الانس داري وشيدت
ممالك الـــتــــاريخ فـــ يــدي مكــفـــات

والشين شبت يوم حل المزاحـــم
مــــرابط الأفـــراس صــول مجاحـــم

تسمع صهيل الخيل هد المراحم
مواقــفٍ تــخــشى وتـــســفـر ســجلات

والصاد صمصامٍ مفـقـر وكهـام
الــنايــفات البــيض مــن كـــل صــــرام

رداد والمأتور والمنصل حـسام
صقــل المهــنــد شاهــدٍ كـــل مــافــــات

والضا ضمْنٍ يا حروف وشواهد
شــواهـد الــتاريخ حــلــف وتـــعــاهـد

أحروبــنا حكــمة ولا طال زاهــد
مكانة الأيـمان فــالــقـــلب قــــامــــات

والطا طريق الخير من كل رامي
مـرماه للإصـلاح يــمــني وشــــامي

ما فرقت من بين سامـي وحــامي
حـــنـا هـــل التـــقوى ســـلامٍ سلامات

والظا ظلام الظــلم أسـفـر وسافـر
من دارنا مــطرود مــنـــفـاي نـــافــــر

قـبائـــــل العـزة بخــفٍ وحافــــرٍ
تقابـــل الضيـــمات وتــقـض هـفـوات

والعــيـن عايـنا عــيار الـرفـاقي
جـــيـــرانــنا خانـــوا ولا عـــاد بــاقي

من يهشم الجيرة غلص فالوهاقي
ظـــل البعــيــد أقرب ولا ظل غـافـات


والغـين غدارٍ يخاف الفـضـيحة
تحـت الرمل راسه و يلـدغ جـريحة

يسرق فعال القوم ويهب ريحة
نـشال فـثـياب الوزارة ! حـسـافـات

والفا يا فاهم كلامي أنا اْقـول
إن الوطن ما عاد في كـف مسـئـول

هذي أمانة شعب لاسْيف مغلول
جــرد حسام الحق تـلـقى الكرامات

والقاف قامت ساريات القبايل
تنـشد عن الحوزات مـد الحـصايـل

من شافت التاجر يغف الهوايل
تـنـفـض عن الغفلة غبار الخرافات

والكاف كبْرنا على كل باغي
نسمع هدى الرحمان والكل صاغي

يتلى صدى الإيمان في كل شاغي
حكم الشريعة مـعـْـتـلي كـل رايـات

واللام لآلٍ مــن بعـيـدٍ يـــغـفـي
في مـوجـتـك يا دار عانـب يــلـفي

تسمن يد السارق وانا قص كفي
شرع العقول الغاوية عـنْـد غابات

والميم مالت نفسهم جمعت المال
كلٍ نهش كتف المواطن ولا سال

نجمع فتات الخبز ونْجمل الحال
وتتخم حكومتنا عـزايم وضـيفات


والنون نادوا بالرقابة والإصلاح
زاد الثمن فالعيش والظلم ما راح

والنفط زايد بـيـّـرنا فـيه سـباح
يستاهـل المـسكين مد و زيادات

والها هانت عند ربي فرجها
ما خاب من يدعوه ينصب عوجها

أهّـبْ خيول الحق عدل سرجها
تضفي رجال الدين عز ومهابات

والواو وادي الغاز ربي رزقنا
بعـنا برخّص امن الثمن ما فـلحـنا

وين العقول الراسخة وما عرفنا
أمرن بغيـر أهـله يزيد الخـسارات

واليا يا ربي على الحق ماضين
أنصر عبادك زمرة الحق والدين

ثبت عرى الإيمان يارب آمين
على طريق المصطفى والرسالات


صالح السنيدي