مو مثل كل البشر

[محمد بن ضحي]

المشاركة الأصلية كتبت بواسطة أم أفنان الرطيبيه

قلبي وعيني عد ما قلت القصايد
عمري وروحي ليتهم يفدونه

ترى الغلا ليك يازين وايد
والله لو تجيب الناس ما يعدونه

حبيبي ترى فيه الزين زايد
مو مثل كل البشر امبونه

يوم لفى اهدى الحبيبه قلايد
مطرزه بالحب ونور عيونه

تفداك ياسيدي كل القصايد
عد ما هلت حروف الشعر ومزونه

تاج الهوى انت ياخير قايد
عز الفخر لعمان عاليه ركونه

جاك الشعر مني هذي وكايد
تسبق الخطوات وحروفي تصونه

سطرت انا بالقلم كل القصايد
فدوى لراعي عمان وفدوة عيونه

الهوى غلاب وغالب وايد
وانا حبيبي اظن انكم تعرفونه

بصمته للوطن فيها شهايد
يشهد له شعبه اللي يحبونه

تسلم لنا عمان ويسلم لنا القايد
باني حضارتها بخطوات موزونه

الرطيبية

اختي العزيزة
محاولة موفقة اقمتي بناء مبدئي من الكلمات ونحن هنا لسد الثغور ولتعليمج طريقة بناء ناطحات السحاب

الوزن في القصيدة يحتاج لإعادة نظر

كتابتك كانت قريبة من بحر المسحوب
مستفعلن مستفعلن فاعلاتن

وهذه بعض الأمثله من الشطور الموزونة في قصيدتج:
باني حضارتها بخطوات موزونه
يوم لفى اهدى الحبيبه قلايد


البحر=الوزن=الشله=اللحن

اسهل طريقة لتتعلمي الوزن هي عن طريق غناء القصيدة
ومن الغنا ستلاحظي الكسور وبتحسي شي ناقص

وهنالك طريقه اسهل لتعلم الوزن وهي الاستماع للشعر وليس قرائته لكي تتعود الاذن على البحور وتتأقلم

كيف تعرفين أن البيت موزون أو لا؟

التقطيع العروضي سيفيد كثيرا
سنأخذ مثال ع بيت موزون وبيت غير موزون

البيت الموزون:
مستفعلن مستفعلن فاعلاتن
يوم لفى اهدى الحبيبه قلايد
مس تف ع لن مس تف ع لن فا ع لا تن
يو من ل فا اه دل ح بي به ق لا يد

البيت غير الموزون:
مستفعلن مستفعلن فاعلاتن
جاك الشعر مني هذي وكايد
مس تف ع لن مس تف ع لن فا ع لا تن
جا كش ش عر من ني ها ذي و كا يد
نرى أن الخلل فالبيت هو نقص حرف
جاك الشعر مني و هذي وكايد

سأعطيكي ملاحظات اذا عملتي عليها راح تتطوري شعريا بشكل ملحوظ
وهي:
- اكثري من الاستماع للشعر
- كثري من الكتابة بعد كل مره تتعلمي فيها شي جديد
- تعلمي علم العروض
اقرأي واسألي وناقشي الشعراء في قصايدهم في الركن الشعبي لكي تتعلمي


والسموحه ع القصور

سلميلي عليج