قصيده وطنيه**قلادة شموخ**

[راشد السعدي]

واحد واربعين المجد ..شعب وحاكم ن مالان
قايــــد من تـــحت كـــفه ثـــمار الخير نجنيها
لله درك ...خير قايد ..مفخــــرة داري عــمـان
لبسّـــتها قــلادة شـــموخ ..ثوب العز كاسيها
عزمك ما انثنى عزمك..ثــابت مــثلما قد كان
على العليا رقيـــت بدارك وحققت امـــانيـــها
شيدت التقدم صـــرح شــامخ ..ثـابت الاركان
رياح المعضله تعصف ولاتـــهــزك ذواريــها
مركب في بحر كنا ..نصارع مــوجة الطوفان
نبي نوصل امان البر بس نجــهل شــواطــيها
بلا قايد ولا دستور ..ظلام استوطن الوجــدان
ارض اوظاعها قفرى .غبار الجـــهل غاشيها
الى ان اشرقت شمس الامل في صحوة الربان
ورسينا ف نهضة السبعين بفضــل الله وبـانيها
نعم ((قابوس)) من اسس بلد من خيرة البلدان
زعيم امجاد خيره ساد عمان ومن سكن فــيها
عريب الساس شديد الباس عز الناس والاوطان
قبس من نور كالــبــلور ضوى نـوره لــياليـــها
ساس الفخر..منارة فكر..حنكه ..هيبه وسلطان
سما حكمه سمــا هــيبه كـــسى طيــبك روابيها
خلقك الله سبحــــــانه ملاك بصـــورة الانـــسان
وسكنت قلوب خــلق الله حـــاضـــرها وبــــاديها
لانك حاكمن عادل ...دلايل عـــندي وبـــرهــــان
فتش في قــلــوب الــنــاس ...تــلــقـاك فمحانيها
اقمت الشــرع والـــسنه دســــتورك من القران
تعلمنـــا من اقوالــك دروب الــعــز نــمــشـــيها
فانــت الــقائد البـــاني وانـــت الـــوالد السلطان
مسحت الدمع من عين اليتـــيم ومــــــن مآقيها
يا غيمة خير عمت دارنا وتــــهاطـــلت امـــزان
ياشريان البلد بالود والاخــــلاص تــــسقـــــيها
زرعت الارض خير وكلنا في أمن واطمئــــنان
وفي كل عام يامـــــــولاي تحصد ما نبت فيـــها
تلاقينا سنادك فالـــوغى لـــو شـــانت الازمان
نسوم ارواحنا لاجلك..نصون عمــــان ونفديها
جنود ن فالبحر والبر صقورن فالسما شجعان
نموت افواج والرايه ترفــــرف ما نــوطيــــها
لك الله ياعلم رفرف هنــا فــي ســـاحة الميدان
مادام شعارك السفين ..خنجر ... ..في اعاليها
هنا خطيت في عيد الوطـــن ياســـــيدي القيفان
وجت تتسابق ابياتي ورود لشخـــــصك اهديها
على ذكرك نظمت احلى القصايد لولو ومرجان
لان اسمـــــك يزينـــها ويطربهـــا ويــحــيــها
وانا لو بمدحك مولاي...انا الرابح انا الكسبان
سمى قاف الشعر باسمك رقى لاسمى معانيها
لرفعة هالوطــــن عالي نومك حارب الاجفان
لجل عمان وخدمـــة شــعبها الايــــــام تقضيها
عجزنا نحصي افضالك ودعينا الواحد المــنان
يمد بعمركم مـــــولاي الــــين الله يفـــنــــــيها
عسى تمطرغيوم الفرح وتغسل عنك الاحزان
وعساها جنة الفردوس جزاتك عند بـــــــاريها
واحد واربعين المجد ..عيدك يابلادي عمــــان
واحد واربعين وما نســـــــينا فـــــضل بـــانيها


راشد بن خلفان السعدي