((( الرد مفتوح للجميع::))..

[راشد المشرفي]

سلام يا الاخوان...اليوم زايرينكم و بنخمس شويه فساحتكم اذا ميخالف عليكم:::زين يوم بنلجى رد من أساتذة الموروث..بس الشيمه لحد يرد علي بميدان ولا مسبع ..............

يا أخوي ثيب الي من الشوق مصطاب
وهات الدوى وأنته خبير المداوين

البارحه جفني جفا النوم ما طاب
والعين حمراء من كثر ذارف العين

كل السبب من هو سكن وسط الأهداب
الي خذا قلبي ولا أدري على وين

سيد الوصايف منفرد حيل جذّاب
عذب الشفايف كالورد والصدر تين

عقب الوصل يات القطاعه بلا أسباب
والخوف لايسمع كلام المعادين

مفجوع قلبي م الهجر والحزن ناب
مغروس في صدرً له الله مسكين

حلمي بوصله مثلما حلم الأنجاب
وكني عقيمً و أنحرم طول السنين

وأسمه على لساني ولا حين قد غاب
لولا التعوّذ حتى وسط المصلّين

زهوز ثرف لك أربعين اوّل حساب
وتجي لك السته و سبعه ملبّين
والخمس فالآخر ويتقفّل الباب
وتفهم مرادي كان لك عقلً ذهين

عجّل بردّك يا فخر عز الأشناب
كانك عضيدي لاغدى هالزمن شين

..................................................................::::::..........بيني وبينك سر خااااص:::