( الشوق كبريت)

[علي الغنبوصي]

صباح / مساء الخير

الى قلوبكم هذه المتواضعه



( الشوق كبريت )

ياأطهر زلال الماي لا من توضيت
صبي غرامك بالحشا وغسليني

القلب متشبع حروق و تناهيت
وانا انا مالعام كافت يديني

يامولعة ناري لك الشوق كبريت
شبي خفوقي واحفضي لي حنيني

ادفى على الونات واقوم وابيت
واصحى قبل ما يشرق الحزن فيني

قالوا تشيختي على القلب والبيت
واقول دار الشيخ في وسط عيني

مشتاق قبل الشوق ميقول حنيت
متشوف ملح الدمع في مقلتيني

هليت لك هليت هليت هليت
حتى نبت بالخد لك ياسميني

ذي حالتي وش عاد لا من تغليت
يعني يموت الصبر بيني و بيني

ودك تشوف الضعف لوي تقاويت
رف الرمش وان طحت قومي خذيني

صمت العمر من يوم مارحت واجفيت
والمشكله حزن الجفا معتريني

حاولت قبل البعد ابقيك و ازريت
و حاولت فسخ البوح بس مكتسيني

يعني يغيب البعض والله ما شكيت
الا غيابك حرقت(ن) تكتويني

النار وسط الجوف و بعادك الزيت
هذي ضلوعي والجمر جمرتيني

جمر الفراق اللي له الحال والصيت
و جمر الشعور المحترق من سنيني

احيان اسري دونما شبة الليت
لأنه هنا شمعة أمل تبتديني

واحيان افل بعيد واقول فليت
واثر القدم دايم عليك تحديني

ياللي خذاك الوقت بالله مليت
اما اجيك اليوم ولا تجيني


رابط القصيده صوتيا باليوتيوب

http://www.youtube.com/​watch?v=-YbJkIl9zrw