لا تذرف الدمــــــع

[أبوراشد العيسائي]

عزاه قلبي جفوك أخلص محبينك
بدري عليهم عصوك بنفس طماعه
أصبر وربي على الشدات بيعينك
لا تحسب حساب ناسٍ دوم خداعه
لو صدق حبوك ما هافت بساتينك
لي راح يصعب عليك اليوم إقناعه
أنا لزيمك يقلبي دامني يمينك
م الهم لاتشتكى لو كثرت أوجاعه
لكن دام الوفاء ما بيني وبينك
خلى غرام الموده يلوَح شراعه
خلني أجدد صفاء الأيام وأعينك
وأضفي عليك الفرح من كل أنواعه
إن هم تناسوك ما عادوا مضانينك
وأنته إذا نسيتهم ما قامت الساعه
بدل مسارك وغيرها عناوينك..
لاتسبح فلج بحرٍ يتعبك قاعه..
لاتذرف الدمع خل الدمع في عينك..
لاتنحني دوم سمعا للغلا وطاعه..
خلك كذا صدق رافع دايم جبينك..
أصبر عسى اليوم فيها للفرج ساعه..
حبيت قلبي ولكن خانت سنينك.
زادت همومك وعشت بنفس ملتاعه..
حذراك تتبع خطى من حبه يهينك
أيلين يدرى الوفاء ويعدل أوضاعه