أجــمل صبــاآاح

[إسحاق الهشامي]

السلام عليكم ورحمة الله وبركاته
أشكركم على هذا الصرح الجميل وكوني مبتدأ في درب القصيد حبيت أشارككم بعض من كتاباتي كأول مشاركة لي في المنتدى وأتمنى أن تنال على إعجابكم ومنكم نستفيد إن شاء الله

ما أطولك يا ليل خلصنــا وروح
لا لا تعاند خلنا نلقى الصبـاح

يكفيك يا ظالم تنبش في الجروح
ما عاد فيني أبتسم بعد الصياح

إرحل ولا ترجع بعد أرجــوك روح
يكفي طعونك قاسية مثل الرماح

يا شمس وينـك إكبحي هذا الجموح
طلي علينا وإمسحي دمع النواح

تشتاق عيني شوفة الوجه السموح
ويشتاق قلبي للذي له لهنــاك راح

وأشتاقلك يا صاحب الصوت الذبوح
إذا سمعته صار صدري ف إنشراح

يا حلو أنفاسك مثل عودٍ يفوح
ويا زين شعرك لا تحركه الرياح

يا ليت يتحقق مرادي والطمــوح
تشرق على دنياي يا أجمل صباح

وسلامتكم
لا تحرمونا ردودكم ونقدكم البنَاء