زمانٍ مر في عز وكفاح

[الشاعر ابوجمعة]

بـديــت أمثـــال جــــيـلـي بالفـلاح
فتـحــت الـبـــاب بحـــروف تليــق

أعرب جـيـل واخفيـــت الجـــراح
واضّمد قـــــلـب بـه شبّ الحريق

أنـــادي بصـــوت عالي بالصـلاح
أيـا نــايــم تيـقّـــظ قــــوم فـيْــــق

بوجــه لـك رســالـــه بانشــــراح
عن المـــــاضي بوضح ف اليليق

عـــلا المـــنيور ابصــوتـه وصاح
يـدور بماي مـن بيــــرن عمـــيـق

يجــــره ثـــــور في صبــح ورواح
دلـــــوا واحبــال والخـبّ الطـريـق

يصيح بصوت عـــالي له مبــــــاح
يغرد والــدلــــو تشـــهـق شـفيــق

فـلــــج عـّبـــابْ عــذب الماي فـاح
ف سيـره يعــــوم يـدّفــق دفـــيـق

بــريشر مــــابغى ع الـــــكيف راح
عبــر ف الســـيـر يصـــفـق صفيـق

وعــــامـل يشتغـــــل ويدّه صــحـاح
عمـانـي كان من نــــفـس الــــفريق

شمال وغــــرب يــــركض برتـيـــاح
يفوقـه الشــــوق مـــاشي جاه ضيق

وكـان الغرس محصـــــوده بنــــجاح
خـــــلا ما فـيـــه آفــــــاتٍ تعـــيــــق

زمـــان الأولــــــي جـــــامـــع أرواح
خــــوان أعــــزاز وأكثـــرهــم صديق

على القـهوة يـجـلـــسوا في مــــراح
محـبــــه بـيـــنــهــــم ودّ وشــــفـــيــق

تـــعــــاون بـيـنــــهــــــم ود وربــــــاح
صفوف وقـــوف مــــافيـــهم عــــويـق

وختام الــــقول أطلــــبكــــــم سمـــــاح
اذا ضــــليت يـــاربـــــعي الـــــطــــريق