قصيده .................!!!!!!

[أبو رآكان الكلباني]

@أفتح @

أفتح عيونك لايغرك جمالك
وسمع كلامي جعل ربي يخليك

تايه بحبك جعل روحي فدالك
ويفدوك أحرار العرب والمماليك!!!

عشقت روحك ماأحاتي ألمهالك
من قلب صادق ف الليالي يحاتيك!!!

شفني بعيني قصر حب أنبنالك
وسمع بقلبي طفل قاعد يناديك !!!

لم الشمل وشفق بجوفي عيالك
ياللي على ليل القطيعه تناجيك!!!

قلبي على دم الشرايين شالك
تطلب وألبي ياسيادة معاليك !!

وأن غبت ماتغضي جفوني جدالك
والشوق ساريبي ويقفي أثاريك!!!

وأن طالت المده أتحرى وصالك
وأفز تايه لايجيبون طاريك !!!

وأن جيت أفرش مهجتي بس حالك
وعيونني الثنتين دايم تراعيك!!!

أشّر برمشك لاتبيني أنبرالك
قلبي حرارن صيرمه في يمانيك!!!

وأن طفت والله أنني ما تمالك
نفسي جذبها شي يعجز يخليك!!!

القلب مع روس الحنايا حلالك
تأمر وتنهى والجوانح تلبيك !!!

مجنون قالو!؟ سالبني دلالك؟؟؟
عقلي وروحي شفت قبري برمشيك!!!

الله أكبر لو عيوني تنالك
بغمض بها لين القيامه بخليك!!!

حبى على وضح النقى ماتهالك
وحب الرذيله تحت رجلي دكاديك !!!

هقوة رجل ما لزّ إلا حلالك
مالي طماعه مع ركاب الصعاليك!!!

ياهيه كم ذيب ن ليقنص عوالك
ولا عواي من مخالب تجافيك !!!

هذا كلام الصدق والي صفالك
ماهو مثل راعي الدّنيات هاويك!!!

الصد والمده وكثر انشغالك
تطفي الولع فيني بسبّة تغليك!!!

ومن وسط قلبي قد تسرب هوالك
وتفجّر مفاعل غلا من تعاليك!!!

صحيح مثل الشم صعب ن منالك
لكن تجهز ف الليالي دواليك !!!

أنا هويتك يوم بازغ هلالك
واليوم خاسف في نظر عين مغليك !!

بكرة أنتظر تصفق يمينك شمالك
اليا قفيت وتعثربّك خطاويك!!!

وليا نويت تصوم حبي وبدالك
ولا أنا بحبك سأفطر وناويك !!!

أتعبت نفسي في محبة ضلالك
لكن أنا بعد الضلاله أبهديك !!!

أقمت في عيني مراسم عزالك
وحرقت بلساني خزانة أساميك!!!

وقطعت مع دلو المحبه حبالك
وماعاد في صدري ملاذ ن بيأويك !!!

ومن دار قلبي عاش جهز رحالك
وقفي وناولله ماعاد أتليك!!!