" يا وَلْدي " ، شكراً لمن بادرَ بطلبِها ~

[وليد العلوي]

بدون مقدمات أضعها بين أيديكم، مترقباً تعليقاتكم وملاحظاتكم:

هنا .. ما بيـــن ضيق الصدر، ومعانق بعض الانفاس
لقيت أسم المكان اللي: ((جمعني فيـــك يا فقـــــري))

هنا .. كنت أشكي الخوف العتيق بلهجة اللا بــــاس
مع الأيــام يا أيـــامي إذا مـــا تعـــرفي قــــــــــدري

وش أغلى من دفــى حضــن المكان بحضرة الجلاس؟
وش أحلــــى من عطر بوح التراب و ريحته عطري؟

أجيلــــك، والمطـــــــر نفس المطر وغصوننا يبّــاس
لك الأشواق تسحبني، ونـــــروي من العطش عذري

علــــى بــاب السهـــر واقف وماني خايف الحراس
ومن يطلـــع صبـــاح الخيــر "يمكـن" تسمعي خبري

يا أرضي والتراب اللي معَ بعــــض العـرب ينداس
لـــه الأيـــــام ترسلنــــــي أبيع أوراقــــــه وأشري

يا أرضي: لو يجـــي منك: شقــى، هم، وتعب وإفلاس
بظل آكــــــل ثمــــر زندي و يآكـــــل هالولـــد (بذري)

كســيـتــيـني وأنا "عـاري" من البرد الشديد" لباس"
تـــواسـيـنــي إذا جـــات الهمــــوم وصاحــبت صدري

من يكــــون الصبـــر حتــــى يعيش بظــل عزي ساس
وأنا الصــــبر الـــذي ساكـــن ضلوعي مــــآخذٍ صبري

شـــــربتك يــــا عَرَق مـــا هو عطش لكن لقيتك كاس
لقيتــــــــك تـــــروي أحـــلام السنـــين وكنت أنا مدري

يا قصــــة خوف: ما ملّت حروفك ظهر هالكــراس؟
تعــــدّيني السطـــــــــور وذا أنـــــا باقي على سطري

نقشــتي فرحتي بــــــدمي، ولا دقّـــــت لي الأجراس
ونــــــــاي الحـــــــزن ما فــارق أذوني وأبتلى فكري

غفيـــت، وما غفيـــت إلا :لأن المفـــردات نعـــــــاس
ســــكت، ومــا سكــت إلا: أخــــــــــاف مفارقك يطري

وهانـــت عشرتك أرضي، وملّت خطوتي الوسواس
بعد بذري، بعد زرعي، بعـــد سقيــــي و بعــد ثمري

معــــك خــــان الحكي شفاتي وأنا بِيدي رميت الفاس
حلفــــت اخونهــــا..!! لكـــن أصلي بظلهــــا عصري

"يا ولدي" المزرعة رزقي، غنتني عن جميع الناس
عــرفت اســـــــم المكــان اللي جمعني فيك يا فقري؟

//
//
//