نحــور اعنــاق..!

[عبدالكريم السعدي]

ذي الفراشـات بحديقـة شاعـرك ودها تطيـر
ميـر وجـه الغيـم غطى ثـورة اشـواقي انيـن

كان بضفافي نشيـد وكان فــ شفاهي غديـر
يشبــه الشـلال لكــن غيــر مكتــظ بحنيـن

واذكـر الجــدول هنـا والبيـر واحـلام الصغيـر
بيـن جــدران الحنــايا وبيـن امـــال وسنيـن
...
وهيجنـة مـوال ناظـم ليـل والمبــدأ عسيـر
وامتعـاض الشـوق جـوا عالمـك وآنـا حزيـن

آه وصيــاحـي نحـور اعنـاق والغــربة مصيـر
وارتعاشاتي طفل مخنوق في قبضــة يدين

وانجراحـاتي عـرا والهم قدسن فــ الضميـر
وازدراءاتـي حلـب وحـدود تحجب مـا تبيـن

يعني لو بعضي تكلم طـاح ما فيني كسيـر
او توجسني ضجيج ارواح بعض الخاشعين

لـو ربيع انسـام عطر الــورد ينفث لك عبيـر
مـا تكلمني مسـاء وخـر من وجهي جبيـن

دامهـا مــالــت علـي سنيـن خليهـا تجيـر
ما لبعض انفـاس عاشق غير قبرٍ تستكيـن

واملئيني من خشوعك قبـل ما كلي يصيـر
في مداراتك تمني وتحتها انقاضك سجين





عبدالكريم لاهي السعــدي