قصيـــدة رثــــاء

[الشاعر ابوجمعة]

هذه القصيدة رثاء للشاعر ابوعلي الحوسني

وقــف حيـران قلبـي واعـذابــه
تعـلـــل من عنى شوقٍ يــزيـده

وقف حيران يشكي من مصابه
تـمرمـر مـن كثـر هــــمٍ يكيـده

عـذابـه الحال من جرح غدابـه
عــذابـــه آه والحســره شـديـده

ألم يجتـاح جسمي فظطرابـــه
شـديـده الـنار في قـلبي وقـيـده

أشوف الجرح يزتـاد الـتهابـه
تعـمـق داخــل الـنـفس الفريـده

هـمومي زادت عـلـومي كأبــه
بـعـد ماكـانــت أيـامـي سـعيـده

مـع الجيران أمشي والصحابـه
أحث السـير ف دروبٍ بعـيــده

وبالـشـعــار تجمعـنـا قـــرابـــه
عـلــوم الــدار نـاخـذهــا مفيـده

شعرنـا بـالـفرح مفـتـوح بـابــه
بـنا يجـدوا الأمل بكـتب نـشيـده

نجاري خـواننـا أهـل الــذرابــه
مثـائــل بـوعلي عـالــي العقـيده

فخرنا ونعتزي بـه ف المهـابــه
ذخـرنــا وكـانــت أييـدينـا بئيـده

وهذا الـيـوم نـاخت بــه ركـابـــه
رحـل من دارنــا هـــذي العنيـده

علـيـه البيـن صـقـف في ترابــه
فحفـره ضيقــه ضلمــا تـكـيـــده

ودعـوه هناك في طمّت حسـابه
غـريـب اوحـيد عملــه مـايحيـده

ســألـــت الـلـه يفـتح لـه بـوابــه
ويهـنى بـالــــذي هـوّه يــــريــده

عسـى يـارب.. الـجـنـة ثـــوابــــه
مــــع الأبـرار والجـنـة الـفـريـدة

من الكوثـرعسى دائـــم شرابـــه
وحـــوريــات تصبـح مـن بـديـده

دعينا ومنـك ياربـــي الأجــابـــه
نفـذ حـكـمــك عليـنــا مــا تـريـده