شاطئ الياس

[شاعرة الليل]

المشاركة الأصلية كتبت بواسطة خليفة الصائغ

ميرسي الاحســـــاس في شاطي الياس
غير الظــــــــــروف المنهكه والمصايب

ولو تنبت الاغصان من واقع احساس
لا نبتت اغصان شعـــــــــري عجائب

يا منبع الرقــــــــــــة مع صلبه الماس
ما ترحمي قلب (ن)من الشوق ذايب

ما تسمعي خشم الـــوله يزفر انفاس
وتصبح خيوله فوق صــدري كتايب

مرات احس اني حطب وانتي الفاس
ثم تحطــــــــبي مني الاماني غصايب

لو الوفا محفـــــــــــور في داخل الناس
ما كان ف الدنيا فـــــــــراق وغرايب

وما كنت اعــرف بان للبعد هوجاس
الا بعــــــــــــــد ما ذقت سم القرايب

وعلقت اشعاري على كتف جرناس
وخليتها تعـــــــــانق كبار السحايب

يمكن يجي في يوم وارفع بها الراس
وتشوفي كلمـــــاتي ونرجع حبايب

ونعيش في صدر(ن) ولأضلاع حراس
تحميك من شت العيـــــون الهبايب

و تـْزين احباري على كف قرطاس
من طلتك وتزيل كل المصــــــــايب


ودمتم سالمين

الشاعر القدير/خليفه الصائغ
الله عليك
صح لسانك على هذي الأبيات
قصيدة رائعة بروعتك
مع اجمل المنى