خـذنـي حبيبـي !

[عامرالناعبي]

قصيدة للفنان الإماراتي / ميحد حمد راقت لي وحبيت انقلها لكم

إن رحت عني يا راحت الروح منّي // وان ييتني رديت في الجسم روحي
شوفك يشيل الهم والحزن عنّي // وفرقاك يا مملوح يدمي جروحي

ألحاظ عينك في هواك اذبحنّي // كلام صدق ولا كلام المزوحي
نيران حبك في الضمير اشعلنّي // ما تنطفي باسباب كل الجروحي

وقت القمر كل النجوم اطمسنّي // تضاعفت ما تنظر بالوضوحي
دونك اخيولي فـ الطريق اعثرنّي // ردت بخسر وزاد بالخسر نوحي

ارماح فرسانك صحيح اطعننّي // وانا قتيلك يالحبيب الشحوحي
ليت الليالي في هواك اجمعنّي // بين وبينك يالغزال السروحي

خذني حبيبي في الهوى بالتأنّي // والطف بحالي يالمحب الذبوحي
شوف الليالي في ودادك قصنّي // واقصيت قلبٍ لك غريمٍ نصوحي