قد ريت جوّالي. لهو يسير مغلوق* يطرق عليه من دون شفره واشاره

[أبو رآكان الكلباني]

★★★★★★★★


ياربعي منّي جفّت دموع وعروق*
ياربعي ياللي ماعليكم أماره!!!

نحو الطبيب توصّلوني ترا العوق*
أحسّ به يشلي مماتي ومزاره!!!

ماقصّروا يالي بهم خبّت النوق*
شدّو ا الظهر عزلله ربح وتجاره!!!

ذيبٍ على كرسي الطواري بيايسوق
وذيبٍ فتحلي كرت طب استماره!!!

وقام الطبيب اللي به الطب موثوق
* عنده تفحّصني بخبره ومهاره!!!

وسوّى اﻻ‌شعه اللي بها طاح مصعوق
ماشاف مثلي في حياتهْ ومساره!!!

إيقول صدرك والبﻼ‌ شلون مشقوق*
جوفك كأنه نهّشتهُ النماره!!!

واغلب شارينك عن الدم مغلوق*
ثم نصعق باللي قويّه عياره!!!

قلبك أرى من داخل الصدر مسروق*
كيف نته عايش دون قلب ومراره!!!

عليك جاه الله ي دكتور باسوق*
علّة مريضك ﻻ‌تفشّي سراره!!!

بعلمك إن كان هذا هو العوق*
ما حاجتي في طبّكم وستشاره!!!*

أدري سرقهُ أدعج العين غرنوق
قلبي سرق من دون تدري شفاره!!!

أنبض لياشفته وبه الروح مشبوق
* وإن غاب اجمد مثل صلد الحجاره!!!

وأغضي وأشوفه داخل العين في طوق
* تحت الرموش مبروزٍ ف لّبصاره!!!

من شفتهُ غصّيت بالريق مخنوق*
قلبي اقدّمله ليرضى خفاره!!!

قلبي عليه مناَ الولع صار مشفوق*
وياكم أنا صلّيت لجلُهْ استخاره!!!

ادعي إلهي عن هوى كل مخلوق*
إنّي على يمينه وأسكن جواره!!!

من شاف صدري يسأل شلون مفهوق*
كثر الغﻼ‌ بقلبي ضغط في جداره!!!

أجي لبيته اطرق الباب والبوق
عل لي أكحّل ناظري من خماره!!!

واحضن أخيه بشفّتي ريح معشوق*
أشمّ فيه اللي لقلبي جباره!!!

واشوف جوّالي لهو يسير مغلوق*
يطرق عليه من دون شفره وإشاره!؟

وإن طفت داره موتري يكزّ ويتوق*
ويّلف سكّانه لشوفه إطاره!!!

وإن طرت فالبوينج مالت بنا فوق
أثرِ الغﻼ‌ يجذبها مرّت دياره!!!

وياكم من الشرطه على الرنج ملحوق*
رافع علم كاتب __فلانه_شعاره!!

وأن جيت انطق إسمه بكل منطوق*
ما كّن بلساني سوى سّمه عباره!!!

سجل موتي في مقفّاه مرفوق
ما بعدهو ﻻ‌صدّ عندي خساره!!!

اثري الهوى ما كل مطرود ملحوق
ولاتسوق عشق المرجله والجساره!!!

أبو رآكان الكلباني