ياساكنٍ قلبي وانا صرت لك دار !

[خالد الحربي]

السلام عليكم ورحمة الله وبركاته

اخوتي الاعزاء :
هذه قصيدة للتواصل آمل ان تنال رضاكم واستحسانكم

ياساكنٍ قلبي وانا صرت لك دار
يا بلبلٍ يلعب على الغصن شادي

يا زهرة فاقت على كل الازهار
وعطورها مخلوط وردٍ وكادي

جمعة حسن الوصف في كل مقدار
واخذة من زين الحضر والبوادي

تركتني من دون تبرير واعذار
وانته تعرف انك معيني وزادي

يا سيدي بعدك طفة كل الانوار
وابدلتها لون الفرح بالسوادي

لا جيت اعدلها معي راحت ايسار
وان جيت ابيها شرق تعكس مرادي

صار الحزن في داخلي ختم وشعار
والهم يرميني على كل وادي

يا من يخبر قايد الريم وش صار
ويرد لي ردٍ يفرح فؤادي

باكتب له الابيات من دمع الاحبار
وارسل بها طير من الوجد حادي

دنيا تقلب ما عرفنا لها كار
بعدالفرح ،،، لازم تجيب النكادي

محبكم/ ابو اسامة