عليا

[خليل المعمري]

مساكم الله بالخير



لعيونها عليا وعليا لها قدر
حدرت دمعه بالخفا ما تشابه

طاحت ولا طاح الغلا والوفى شبر
لومابقى من الحب الا عذابه

ازعلتها مجبور والعلم بالصدر
واقفت وهي شرها علي ومصابه

تبكي عليها عشرةن كلها طهر
وامال رجل ن يعلم الله مابه

ياليتها تعرف وتدري انا شكثر
احبها ووش عقبها القلب صابه

خير الليالي كلها ليلة القدر
وهي خير بنت وخير من يحتفابه

نعمه خلقها الله تستاهل الشكر
والحمد لله والثنا والانابه

ماشابهة غير الضيا باول الفجر
ولا طاولة غير المزن والسحابه

بنت يتهجد من على وجهها البدر
واخلاقها شروا بنات الصحابه

ويلي عليها كن قلبي على جمر
من يوم داس البعد فيه وعثابه

غصب ن علي وفوق خشمي وبالجبر
قصرت فيها لوني حزام لابه

وراحت وهي شرها وبقى العلم بالصدر
من دون جدرانه ومن دون بابه