سلام الله عليكم مجمع الأخيار

[سالم سعيد المحيجري]

محاورة رزحه بين علي بن ناصر الراشدي وماجد بن عبدالله الداودي تأريخ 6/1/2015م..


ماجد..


سلآم الله عليكم مجمع الأخيار
أهل المعاني والرسوم الثابتة
يا الراشدي عليكم بالبنان يشار
من مثلكم يعرف معاني كلمته


علي..


أهلا وسهلا ماطالة بنا اﻻعمار
يامعدن الجود الرفيع بدرجته
يلك سﻻما مرضوف ثﻻث مرار
من حوض قلبن ما تكدر شربته


ماجد...


رحبتبك بعداد حركات المدار
وعداد ما بحرن يناد بموجته
أنشد وناشد عنك في ليل ونهار
شروا يتيمن فاقد خوته ولابته


علي..


يلك مقامن مابين البصير يدار
من كثر جودي للمحب وحشمته
تفضل وفضيني بعلومك والخبار
ضيفن مكرم في الضمير ومهجته


ماجد..


الود نابت ومعدنه روسن كبار
وثمرة لسانك في ضميري نابته
توّن تبشبش قلبي ضحّت الأنوار
الحمد لله كل حد فراحته


علي..


ثمرة جميلك في قلبي تاهت نظار
يمحاسن الجود الجميل وطيبته
صوغك عجبني وذيه صيغت عرب شطار
في بندري وغالي وعزيزه قيمته


ماجد..


يا شايبي حزتوا المعزة بافتخار
وحن وياكم طودن بعيده مسافته
وفورا لحديد لو صار الزمن ما صار
يبقي ثمينن متضعضع رسمته


علي..


اثفر ترابه وزمرد ساسه الجدار
كم عام لك تبني وزاول مهنته
تبني وتشيد بنيانن كذا هودار
واﻻدمي يكفي كذاك صناعته


ماجد..


أما القصر مبني على صم الحجار
صمن حجر ولا تكلف ساعته
وأنته كذلك تبني وتشّيد عمار
تكفي فهامه م اليلاهي ومنعته


علي..


نتشرت علومن عن ملك ذيك الديار
بين الطواف وبين الحج وعمرته
في ذمة اﻻله والولي الغفار
هل صحة ذا الخبر وكاد اذاعته


ماجد..


وحن مثلكم سمعنا وتاهت الأفكار
ما قدرت اصدق قولهم وا ثبته
العالم الله الباري بجملة الأسرار
رب الولي يشمل العبد برحمته


علي..


عسا علومن ماصحة خبرا وسار
الله يخلي بن سعود فديرته
والحن وياكم ضدن للعدا لين جار
نسقي العدو كاس المرار وغصته


ماجد..


شي م الاذايع يلها فالدنا امدار
والله يدومه بن سعود فدولته
بنثر وداعي واختصر سلك المسار
ابغى السماحة ع المثال وصيغته


علي..


ناسن يذيعوا بالخبر ليل ونهار
من دون ﻻ ينظروا ثباته وصحته
وهذا سباب الفتنه ووقوع الدمار
الله يدومه كل حد في وﻻيته...

تمت