سؤال

[مشاعل الراسبي]

انا احس انا برنامج شاعر المليون وضح معنى الشعر وايضا وضح انه الشعر مستويات ويعتمد على ثقافه الشاعر مو مثل ماكان منتشر انه الشعر مهنة من لامهنة له الشعر ..صارت الناس تفهم شو يعني شعر انا اقصد فئة غير الشعراء ..
واللي يشوف انه برنامج شاعر المليون ما افاد الساحه الشعريه فهوه ما اعتقد انه ضرها
واحس انه مجرد اشتراك الشاعر فالبرنامج يعتبر انه اختصر الف خطوه بخطوه وحده ..
وبخصوص التصويت يمكن هذي لها ايجابياتها وسلبياتها لانه بعد مهم انه الشاعر يوصل لقلوب الجماهير بس اعتقد التصويت مايكون بنسبة ميه بالميه يعني ياخذ الجزء الاكبر
راي لجنة التحكيم فالمراحل الاولى ويكون في متاهلين بواسطة لجنة التحكيم يعني محد ينظلم مايبقى الا المرحله النهائيه وهذي المرحله احس مهم التصويت لانه المتاهليين يكونوا كلهم مستواهم متميز فصعب يحكم لجنة تحكيم او شي ثاني
يعني برنامج شاعر المليون اللي يعتبر مهرجان ثقافي وشعري واضاف الكثير لساحه الشعريه الخليجيه مب بسهوله نقول انه فاشل بحجة انه التصويت فيه ظلم.