يا أهل الهوى بقول هود

[كاملة البلوشي]

كاملة البلوشية:✍🏼

يأهل الهوى بقول هود...

من مطرح العوده سريت
وجودو وانا معكم بجود

بعرف اللي في عجب
بالساحه لي حس وجود

وان كان صوتي مختفي
شعرى لمع برق ورعود

متصوغه وصوغي ذهب
وعندي انا ناسِ شهود

فن الهوى اخضر يلج
اسقيه من فكري ورود

أرص أبياتي بنقا
دانات منثوره وعود

لو تولفوا كلهم علي
ماهاب نيران الوقود

والخاتمه صوغ الهوى
ما له بلاد ولا حدود


فتحية العلوي:✍🏼

صوغاً تفرد بالبنود

يا الله يا فراخ الهوي
زعزعت بجبالً صمود

صُم الصخر ثار ونطق
والسيل كسرها السدود

نغزل حروفاً من زبر
نفكبه السلاسل والقيود

ونعرّف الي ما عرف
فن الثقافه والردود

ولين غطلس الليل وغسق
تعصف معانينا وترود

بالمرسلات الذارية
أنبعثر قلوب وكبود

والخاتمه طبعي لهب
نسناس ويهب أبرود

فاطمة الفرعيه:✍🏼

أهجي الحرف حسي يقود

باحسانكم ياهل الهوى
معنا مواثيق وعهود

حرف الذهب يسوى كنوز
لاهنت يا صافي الخدود

تمشي على علم وثقة
زود التردد ما به فود

ما يفتح أبواب الفواد
إلا الغلا لخلٍ ودود

نوح الهوى يامن صدح
بالفن خذ منا وعود

ما نخذل آفاق القصيد
وافين بالحكمة نذود

ريت القريحة تنتشي
ناديتها وجتني وفود

قلبي يسامر،فنكم
لا تقابلوا ودي بصدود

والختم صلوا عالنبي
وقت التهجد والسجود

.🌹