نــــــــــــــــــــــورة

[عباس المسكري]

أنا هاليــــوم أعلنـها وجعل اللي يكــون يكــون
حبيبة عمري يا عالـــم أقولـــه أسمــها نــوره

بعالي الصوت أعلنها وأسمّع كل قاصي ودون
وأقــول أحبها كلــي وعمـــري لأجلــــها نوره

حياتي وكل ما أملك وأنـــا في حبـــها مجنـون
وأقول دنياي مــا تسوى بـــدون الغاليــة نوره

أحبـــها بكل مافينــي وأعشقـــها وبها مفتــــون
قيس جنـــونه فـــي ليلى وانـا مجنون في نوره

نعم أقولــها صـــادق واريد الكل بــي يـــدرون
سمــا دنيــاي ما تصــفا إلا مـــن صــفا نـــوره

نوره مملكة عمري لها روحـي وعلــّـي تمـــون
كل غالي لها يرخص ويفديــها العمـــر نـــــوره

رب الكون ميزها غــير النـــاس فــي هالكـــون
من هو بين خلـــق الله يشــبه في الحــلا نـــورة

حــلاها فــاق بيــن الناس مايله شبـــيه يكــون
تــرى حتــى القمــر ماخذ حلاته من حلا نوره

بكثر الحب في قلبي لها وكثــر مـــا مفتــــون
غدى كل شيء في جسمي ينادي يا هلا نورة

وحتــى الـــدم بعروقــي أصلا مختلـــف باللون
لقيتــه ما خــذ(ن) لونـــه يا خلق الله من نـوره

أطالع في الصور وألقى بكل صورة نورة تكون
وعيني ما تشوف اللا فــي كل الصـــور نورة

نورة كل تفكيــري وفــي دنيـــاي كل شــــؤون
غدت صبحي وغدت ليلي وكل وقتي غدى نورة

هذي قصة غرامـــي خلي الكل بـــي يـــــدرون
نعم عاشــق نعم مغــرم نعم مفتـــون فــي نورة

دخيلك ربي أحفظها وألطف يا إلهــي وصــون
وعلى الطاعــة يارحمـــن أجمعنـي أنا بنـــورة