تمـــــــثال

[حسين البلوشي]

تعبت اجامل احزاني واقول ان الفراق محال
تعبت أمني احساسي واقول ان الوعد باكر
تعبت الموج والمرسى وكثر الحل والترحال
تعبت النار بأنفاسي ورمحن يسكن الخاطر
رسمتك حلم في عيني وصرتي مثل جرحن طال
سكني مع شعاع الشمس وبالاخر غدا شاعر
رحلتي وانكوى صدري ولا ظني هدا لي بال
وصرتي دمعتن تبكي عيونن حظها عاثر
كتبني هالمدى ذكرى وشوقن يسكنه غربال
ونزفن عانق ايامي وشمسن ضيها كافر
تعداني غرامك لين شفتك ضحكتن تغتال
وشفتك صمت في جوفي يعذبني وانا صابر
مشيت بسكتك حافي وشوك الارض بي ينهال
وتهت بخطوتي مغرم وقلبي فالحشا نافر
ضحكت وناظر ايامي يغني لك حزن موال
ويسكن هالمسا خوفن يخانقني ويتكاثر
مصيبه يوم خنتيني وانا اظنك خليف رجال
مصيبه ما دريت اني فقلبك كنت لك عابر
حسافه اكثر ايامي معك ضاعت على هالحال
عذاب وجمرتن فيني ودمعن يحرق الناظر
عشقتك من صغر سني وصرتي مثل عودن مال
سقيته من عطش قلبي وجفني بالندى ماطر
عشقتك للاسف وادري بأني اعشقك تمثال
وانك قلب ما يرحم وانك للوفا ناكر
سكنتك والوفا فيني شعورن ما هو لعب اطفال
ولا هو كلمتن اكذب بها وتقول لي شاطر
نسيتي اجمل احلامي وقلبي بالوفا لازال
ورحتي تسكني غيري وصار الجرح بي ساهر
تبعتك والعمر لحظه وضعت بهالفضا اميال
وشفت الموت بعيوني وعشت التجربه فاكر