فسيولوجيه

[خالد الحجي]

جائت هكذا
ارجو تقبلها
مني الشعر
ومنكم العذر ,,,,,,,,,,,,,




المهره اللي مالها سرج وإلجام ...
يردها (النادر) و (تركي) اُخيه ...


قرم(ن) يرد الطرش والثاني إحزام ...
حزام ظهري والليالي مديه ...


والبندق اللي ثورت من قبل عام ...
العام روٌح والنوايا مطيه ...

سلم ياللي ديرتك قبلة الشام
سلام من نجد ابثراها عذيه


يولد بها ضرغام وان مات ضرغام
تبقا على مر الزمن هي ابيه


سلام يوصل لك من اشواق واسقام ...
تجتاحني من دون ذنب وخطيه ...


سلام من روح (ن)تبادلك الاحلام ...
ماتت على لقياك وبشوق حيه ...



ولك عاشق(ن) ما أثرت فيه الايام ...
لا والله إلا صار حبك قضيه ...


ولك عاشق(ن) بالحيل بالحيل بك هام ...
ما هزته سود الليال العتيه ...


ولك وقفة المنظام من شيل منظام ...
ولك مشية ماهيب رجل(ن) سويه ...


ولك عين مرسومه ومن دون رسام ...
فيها كحل من صنع رب البريه ...


ولك صورة (ن) بالقلب ماهيب ف(الكام)...
مطبوعة بالروح.. ( فسيولوجيه ) ....


ماهيب منسوخه ب(بدسكٍ) ولا (رام)...
مكتوبة(ن) بالغش (كذبه غبيه) ...


محفورة باظلاع صياد الاريام ...
اللي عليها تاقف البندقيه ...


وسلامتكم ,,,,,,,,,,,,,,


خالد الحجي (خالدها)