طفلة حزينة

[محمود النبهاني]

طـفلة عـلى ضـفة نـهر تـبكـي حزينة
تـشكـي بـوحـدتـها مـتاهـات الـسنين

تـعكـس مـرايـا الـموج كـل همِّ وتبينه
وتموج كل قطرة مع الوجه الحزين

طـفلة غـدت تسمع شكى القلب وأنينه
كــل ونةٍ تــسأل عـن الـحب الـدفـين

شـافـت قـلوب الناس تشتاق الضغينة
والـلي مـشى بـالـطيب ميلاقي معين

صارت تنادي هالوفا في الناس وينه
ويـن الـعدل والقسط يصحاب اليقين

طـفلة وتـسأل عـن رضاها والسكينة
حــنت لـحب الـناس وتـوهَّا الـحنـين

عــاشـت بـدنـيا ضـيقة فـيهـا سـجيـنة
صـارت يـديـها مـاتـشل شـيٍ ثـمين

أول كلام الــصدق يــامــحلى رنــينـه
مـن تـسمـعه تـرتـاح مـن حينٍ لحين

والــيوم مــافــي نــفس بـالـدنـيا أمـينة
كـلهـا خـيانة مـابـقت شـخصٍ أمـين

كــــله كلامٍ رصــــعوه بـــكل زيـــنه
خـبوا غـدرهـم فـي ريـاح الـياسمين

مـاعـاد تـعرف مـن شـمالـه أو يـمينه
تـحسـب ردى الاشواك رمانٍ وتين

مـن كـان بـن آدم عرف أصله وجينه
طـينٍ ويـامـا يـحتـقر ويـدوس طـين

اهـمل رضى ربـه وكـل فرضٍ بدينه
يــحسـب هـل الـدنـيا فـيهـا رابـحيـن

نـاسٍ تـعد الـمال ولـه صارت رهينة
مــاتــشكــر الـرزاق رب الـعالـميـن

الله عـطاهـم عـقل وهـم لـه تـاركـينـه
يـمشـون بـالأهـواء وباتوا خاسرين

مــاقــد دروا بـالـلي وراهـم غـافـليـنه
أعــمتـهم الأمـوال ومـنهـا كـانـزيـن

والــلي عــطى الـمحـتاج الله لايـهيـنه
يـصبـح لـه الـمحـتاج بـالدعوة مدين

والـــلي يـــغيـــر مــنكــراتٍ بــإديــنه
يـبقى مـبيـن الـناس مـرفـوع الجبين

بالله يــصحــاب الــمقـالات الـرزيـنة
جيبوا سؤالي واظهروا الحق المبين

جـيبـوا سؤالـي والـمجـاوب عـارفينه
وش ذنـب طفلة عايشة مع ظالمين؟

وزرٍ – ويــاكـبره- وكـلنـا حـامـليـنه
فـي رقـابـنا حـبلٍ مـن وثـاقـه مـتيـن

مـايـدري الإنـسان مـن تـجفـاه عـينـه
يـمكـن يـجيـنا الـموت وحـنا غـافلين

مـهمـا ركـبنـا فـي الـبحـر شم السفينة
نـصبـح بـلحـظة فـي مياهه غارقين

قـومـوا نزيل الظلم بكل وادي ومدينة
وتـعوذوا مـن وسـوسة هـذا الـلعـين

قـومـوا تـرا الـمعروف ينجي فاعلينه
مــاضــيع الـرحـمن قـومٍ مـحسـنيـن