حادث البارحه.. أرجو التقييم

[العوفي]

السلام عليكم أخواني..
هالقصيده كتبتها بعد حادث صار قبل 3شهور تقريبا.. أتمنى انها توصل للمستوى

كل شي واضح ولابـــه شي يحتاج تفســـير
وفي كل كتاب المحتوى واضح من العنوان


حال هالدنيا مايحتاج له وصف ولا تصوير
هذا ميت بحادث وهذا مقتول وذا سكـــران


حـــوادث تسمـــكر العقل وتغــــيره تغييـــر

واحنــا على هوى الدنيا وهوى الشيطــــان

كل يوم نصبح ونمسي على بعضنا بالخيـــر
وفي النهايه محد غيرنا من اللي صار خسران


ما أبي تحــليل للي يصير ولا أبـــي تفســــير
أبــي كـــل مسلـم يراجــع منهجــه من القرآن


وأنا ماضيق خاطـــري من هالحــــال غيـــر
حادث البارحـــه اللي ترك طفليـــن يتمــــان

لـــــف الحزن في صدرهم وسوره تسويــــر
ضاقت الدنيا عليهم والدمع في عينهم بركان


بلا أب وبلا أم والحال أصدق من أي تعبيــر
يموت الأب والأم بناظرههم.. من الغلطـــان


مــــن اللـــــي بلاهــــم ووداهم لهذا المصــير
من اللي خلى كلمة يبه ويمه في خبر كــــــان


من اللي يفرح بفرحهم ويقدر حزنهم تقديــر
من اللي ينبض على باقي العمر فيهم حنــان


كذا ولا كذا الدنيا كذا واللي انكتب لازم يصير
بس أنا ضايق والأسى في داخلي كثـــــــران


مـــــن يوم شفتهم ي حسين وأنا طايح كســــــير
بـــــس هذا القدر وكذا هو حكـم الزمــــــــان


مايعرف الرحمه ولا يميز صغير من كبيــر
خير القـــــدر وشره عم على كل إنســــــان


هذا حال هالدنيا مايبيله وصف ولاتصويــر
كل شي لنا واضح والوضع قدامنا برهـــان


يازمن واجهني بالمصائب وبهمومك غيـــر
وأنا صامد في المعركه لأن سلاحي الايمان


يازمن اسقني قسوة الأيام والماضي المرير
وأنا بجامل الأيام وبسقيك من الصبر