العذراء

[راشد العيسائي]

( العــذراء )

اذا روحي الك مطـلب هنيـــالك هنيـــالك
واذ قلبي الك مرضى بعد لعيـــــون يفدونك
واذا بي كنت ما واثق ترى الشـــريان منزالك
كرات الدم تجري بك وسط شريان مضـــنونك
احبك حب متـــميّز ولا يخـــطر على بالك
تصوّر وش كثر حبك ، احب الموت من دونــك
احبـك والله الشاهد ومن حـــــبك انا هـالك
احــــبك كلمةٍ عذرا تقال لخـــاطر عيونك
غرست الحب في ذاتي وذاتي بالرضا جـــالك
اجي لك ليش ما جيلك وانا اللي صرت مجـنونك
انا اقرب من انفاســـك ،انا اقرب من ضلالك
انا اقرب من رموشٍ تجــــاور خطة جفونك
انا اقرب من خــتومك ومن عقدك وسـلسالك
ومن خــدك انا اقرب ومن شعرك على متونك
احبك لو اســـمّعها النجـــوم تطيح عدالك
احبك لو يترجمها كلامي يستحي كـــــونك
سمعتك قلت لو مره تكــــون بدونيِ لحـالك
هل انك تـقدر بـدوني وهل اقــدر انا دونك؟
وأنا ما قـــــول لـك الاّ يفال الله ولا فالك
وان صــارت على هذي ،جميع الناس يفدونك

( راشد العيسائي )