قطعات ثلج

[الشيخه]

من بعد الغيــاب .. ومن جديد

( قطعات ثـلج)

قطعات ثلج أتراقصت خفة وشطانه
فـي كاس قلبي وآمتلا غنج وخجل

ذا مشهدي.. في حين شوفه وبأمانة
حـاضر قليبي بس ف شوفه ـأرتحل ـ

كن الشتاء مقبل وهو مو في آوانـه
ودي بـدفوة نبتدي منــها الوصــل

من يومها هالقلب طاغي في جنانه
بعثر صوابي .. وأبتدى غزل الامل

أول جنونه أبتدى بعضــة بنــانه
قام ويولول .. وش جرالي وش حصل!؟

سم الهوى ذاقه وزلزل له كيـــــــــــانه
(محروز قلبي) مابقى به أي عقل

يا ناس قلبي ذا جنونه ، ذا بيــانه
فز له بلهفه من وجوده أنــذهل

أستغفر الله كن خلق قلبي ف مكانه
والنبض بيــده يخلقه بكلمــة غزل

لا قال أهــلاً ، مرحبا بشوي رزانة
يشلع عروقن من أصلها في عجل

قسّم معاليـق الحشا خانة و خانـة
كل حرف شاغل كل خانة ل الازل

طفلة وجيته بس من باب الميانة
وماضاع حقن دامه طلّابه سأل

جيته بقربه وأحتضن فـاهي لسانه
الود أنطق بس خانتني الجُمــل

عيني حكت له وش كثر هالكون زانه
نظرة عيــوني تحتوي بسمة طفــل

تمتمت بأسمه والحكي هالصوت صانه
كني صغيرن .. وال كلامه قد جهل

مالوم قيس ولمتطى صهوة حصانه
ليلـى مراده والهوى بقلبه فعل

ويمر دارن أحتوت في يوم دانه
يحوي بقايا هالحجارة بالقُبــل

ومادام قلبي جن بجنونه وجنانه
خلوه قلبي يمتلي غنج وخجل

( الشيخه)