صباح الضيق

[أحمد الزمهري]

صباح الضيق / صباح الهم / صباح الجوع والطفرة
صباح اللي بدا صبحه وهـو مـن صبحـه يعانـي

صباح اللي بـدا صبحـه وكـل النـاس تحتقـره
صباح اللي بـدا صبحـه بكلمـة قـوم يـا دانـي

صباح اللي مسك باقـي رغيـف البارحـة كسـره
وأخـذ يقـرظ بهـا بسنـون اغلبهـا غـدا فانـي

صباح اللي جمع عمـره وباقـي سنينـه القشـرة
وبدا يمشي علـى مركـاد يسنـد ظهـره الحانـي

تشوف الذل في عيونـه وجـور الوقـت بالبشـرة
تشوفه مـن القهـر يبكـي علـى حالـة وبكانـي

ينادي بيننا ( يـا نـاس ) تخنـق صوتـة العبـره
ينـادي بيننـا ( لله ) شجـن نبـرتـه نـادانـي

عطيته شي من نفسي علي ّمـن شـان مـا يشـره
ودعا ربه على شأني وشوفوا كـم هـو أعطانـي

أمل مفقود من عمـري وعلمنـي الصبـر صبـره
وعلمني أعيش إكبير لـو هـو بـس مـن شانـي

وعلمنـي أحـب الـذات وابعـد هقـوة النـظـرة
وعلمني أطالع فوق لجل غيـري مـا يـا طأنـي

و أبين بسمتـي للنـاس و أخفـي عنهـم الكشـره
و أجامل كل هالعالـم لجـل مـا عيـش وحدانـي

علمني كثير اشيـاء وأنـا مـن شـان مـا يشـره
عطيته شي من نفسي وشوفوا كم هم هـو أعطانـي

صباح اللي بدا صبحـة يلـوم الوقـت فـي فقـره
يحس انـة غـدا مجنـي عليـة وفقـره الجانـي

صباح الأمس / صباح اليوم / صباح الخير يا بكره
صباح اللي بدا صبحه ورجـع لـي الأمـل ثانـي




.
.
( أحمد الزمهري الحويطي )