في الجريدة ( ياسمينه )

[خليفة الصائغ]

في الجريدة ..

ماشي أخبار(ن) جديدة ..
إلا صورة .. صورة وحده ..
فيها سنيوره جميله ..
شعر ناعم .. خد احمر ..
و الشفايف .. قلت أسال ..


واتصالي حال مسئول الجريدة ..؟
كيف حالك ؟ .. شفت صورة
من هي هاذي ؟؟
هل وزيرة ؟! ولا فنانه جديدة ؟!!
قال : لا لا هذي هذي ياسمينه
ياسمينه ؟!!


وجلست أسال ..
من هي هاذي ياسمينه ؟!
وكل سؤال حاله أجابه ..
فالنهاية عرفت إنها ..
أجنبية ..


رد واحد قال الله أف منك ..
أنت اكبر من فضولي ..
هذي والله عدها خبره ..
في الإدارة والكتابة والرسائل ..
وبعد حلوه .. وشعر أشقر ..
وفي النهاية ..
هذا مطلوب الجريدة ..


قلت يعني ماشي وحده في بلادي
عدها خبرة ... ولا لازم شعر أشقر ..
و المياعه .. والصياعه ..
عز مطلوب الجريدة ؟!

زين اسمع أنا عندي اقترح
ليش ما تسمي الجريدة ( ياسمينه )

وبعد فترة اكتشفت ....
انها زوجه حال مسئول الجريده ..

و الحين معرف هي بعدها فالجريدة
ولا راحت ..