بعض الزعل من دون اية مسبه

[وليد العلوي]

ما فيه داعي للزعل خفف شوي.............بعض الزعل من دون أية مسبه
من مادرى؟خبرك فعى داخل الحي.........كن الخبر ريح ولسانك مهبه
حبك ظلام ومن سمح تشعل الضي........عميت خلق الله بهالضي.. طبه
من بعد ما أسقيتك معي عذبة المي.........تشرب على كفك من الغدر غبه
ضيقه ،وجع وأنا على الضيق وشلي؟...يــــا ليتني نــــايم بليــّـــا منبه
يبغي لسانك من بعد كلمته كي............يا كود تطفي نار من قبل شبه
زرعتني بصحراء ولا ارويتني ري.....لين أظهرت للغدر في الغصن حبه
طبعك وطبعك تتبع منادي الغي...........ولا السنع ما يترس الكأس كبه
غض وطبيعي ف الهوى ما نضج ني....والني طبعي في الهوى ما أحبه
خذيت صدري غصبٍ وما بقى شي......رد القليب وباقي الصدر خبه
صفحة قليبي حاشها مرهق الطي.........عبيتها.....لك قلب ثاني تعبه
روّح فأمان الله لا تسأل شبي.............بعض الزعل من دون اية مسبه