بــَـــقـَـــايــا الْـــمــَرْجــَلـــَة |

[محمود الغافري]

المشاركة الأصلية كتبت بواسطة حياه

ماهي كذا هالمســألــه
في شي أكبر اجهلــــه
الشك سيطر والغموض
مابان \ زاد بأكمـلــه!

بالامس كنت تعــــزّني
بالسم صرت تخــــزّني
لكن لي زود يهـــــزّني
ذيك العهود معطّـله..!

وين الوفا وين الشرف؟!
وين اللي جوده ينغرف؟!
واللي طباعه تنعرف!!
منك الغدر ما اعقله

لا لا ابد منته صديق
تبنيلي فوق الضيق ضيق
امسك طريق.. وآنا بطريق
ماعادلي درب اجهله

هونتها وعيّت تهون
جمّلتها بطيب ودخون
فوق الوفا هذا تخون..!
لا لا حشا ذي مهزله

ياكيف انا آسامـــــحك
تراه فعلك فاضـــــحك
دوّر صديق يناصحك
قربي كيانك زلزله

ياللأسف حبلك ضعيـــف
كشفتك وماني بكفيـــــف
وانا اللي احسبك العفيف
ضاعت بقايا المرجله

ماباقي لك عندي كـــلام
وش فايدة كثر المــــلام
لي عندي قلته والسلام
طاح الحطب لي احمله

طاح الحطب لي احمله
طاح الحطب لي احمله
طاح الحطب

محمود الغافري

مااصعب الطعناات وخصوصا اذا كانت من اقرب الاصدقاء شي مؤالم بل مميت
ولكن لن نجعلها نهايه العالم

قصيده في قمه الرووعه
بها الكثير من الجمال
رااقيه
تقبل مروري

نعم هي طعنات من خنجر مسموم.
لكن ترياق الامل لا يخذل’’

حياة
شكرا لردك المعبر
دامت انفاسك