** يــــا خايــــنه**

[راشد السعدي]

السلام عليكم ورحمة الله وبركاته
اخواني الشعراء ومتذوقين الشعر وكل من يمر على صفحتي وعلى موظوعي المتواضع
اطرح بين ايديكم بعض النصوص الشعريه من كتاباتي
اتمنى انها تنال على استحسانكم
اخوكم
راشـــــد السعـــــدي

يامن جرحت القلب بسيوف وحراب
هذي جروحك في حشايه من سنين
ماطابت جروحي ولا خاطري طاب
وانتي الغلا كنتي ومسكنكي العين
ياشين غيبــــاتك بلا عذر واسباب
ليتك تعرفي هموم فرقى المحبين
ضاق الصدر ولاهب الشوق شباب
وداخل عيوني من اشتياقي عناوين
تاهت بي الخطوه وانا اطرق الباب
وانتي على بــــــاب العواذل تدقين
انا شريت رضاك ولاهمني حساب
وانتي تسومي الحب برخص المثامين
وماهمني لو طارت فـــــحبك رقاب
يهون حال ومال بس انتي ترضين
ترميني الاقدار في قوس نـــــشـاب
وام القهر بسهامك القلب ترمـــين
انا حسنت الظن والظن بك خــــاب
يوم بعيوني هاذي شفتك تخونـــين
ياخاينه ما جيتـــــك اليوم طـــــلاب
هو شي بقوله ودي انـــك تسمعين
ماني من فراق الموالـــيف مرتاب
نفسي عزيزه ولا تبعت الـــــمقفين
والبيت مايبنى بلاعــــمد واطنـــاب
وانتي هدمتـــي مابنـــيته من سنين
كـــذاب هــــذا الـــحب والله كـــذاب
نتبع دروبه بــــس نجهل على وين
فوداعة الله وانــــقفل لــلوصل باب
ومن عافنا مره نعافه مــــــــلايين