يمكن يكون / الحب والشعر/ تضليل

[حمود الحجري]

المشاركة الأصلية كتبت بواسطة فهد الأغبري

,,,



.. وآآآخر مشاوير الوفا .. هدّت الحيل
ــــــــــــــــــــــــــ صــرت آآآتعثــر وأنــت دربـــك سهاله



أمشي وقلبي ف سرمد الليل " قنديل"
ــــــــــــــــــــــــــ كلمــا يـــزيد الشـــوق / زاد اشتعالـــه



إما تخلــي هــالـوهـــج يسهـــــر الليل
ــــــــــــــــــــــــــ أو ينطفـــي ويبقــى يــدوّر ضــلالـــه !



ما كان يجذب دمعـــة عيــونــــي تسيل
ــــــــــــــــــــــــــ إلا شحـــوب إنســـان جالــس لحــالــه



واليــوم مـــن طـــول السهـر والتعاليل
ــــــــــــــــــــــــــ يــا مـــلّ عينـــي من البكـا واحتمالـه !



تقـــول دمعـــي لا سقــى شوق منديل..
ــــــــــــــــــــــــــ شيخٍ يطـــف الجمـــر بأغلـــى دلالـــــه



والنـــاس لـــو تتبــع لجل عيشها السيل
ــــــــــــــــــــــــــ مــا شدّ صـــدري لغيــر وصلك رحالـــه



عاتبت .. وأنت بقدك المرهـــف تميــل
ــــــــــــــــــــــــــ عني / وانــا أبغــى بس أشوفــك قباله



تعبت .. أفنّــد كثــرة " القـال والقيـل "
ــــــــــــــــــــــــــ كلمـا سرقتـــه مـــن جيـــوب الحثالـــة



يا كثر عثت بوسط صدري/ ويا ويل ..
ــــــــــــــــــــــــــ قلــبٍ تــولّـــع فيـــك حتــــى الثمـــالــة



والقلب لـــو يقــوى على الحط والشيل
ــــــــــــــــــــــــــ ما كــــان بأسراره رمــى لك حبـاله !



ولا تظــــن إنــــي نسيــت المــراسيــل
ــــــــــــــــــــــــــ كــلما اتفقّــدهـــا رســالة .. رسـالة ..



تخنقتـــي العبــرة و" للجرح " تــرتيل
ــــــــــــــــــــــــــ لـــو تسمعه قلت الصبر وش بقى له ؟



ما فارقت (عقلي) جميـع التفــاصيــل
ــــــــــــــــــــــــــ ولا لقـــالــه مــن يجـــاوب ســـؤاله :



عدى شهر إبريل ياا " كذبة إبريـــل "
ــــــــــــــــــــــــــ للحين وإنتـــي عالقــة فـــي خياله ؟؟



يمكن يكون / الحب والشعر/ تضليل
ــــــــــــــــــــــــــ بـــس الأكيد إنـي اهتديت فـ وصــالــه



وف آخر المشوار لو شفت " قنديل "
ــــــــــــــــــــــــــ تتجــدد أحـــلام العمـــر مـــن خـــلاله



إمـــا يخلـــي هــــالوهج يسهر اللـيل
ــــــــــــــــــــــــــ أو ينطفي ويبقـــى يــــدوّر ضــــــلاله

رائع فهد

نص / نصل جميل
وسلاسة متناهية
أهنئ الشعر بك

ولا تظــــن إنــــي نسيــت المــراسيــل
ــــــــــــــــــــــــــ ( دوم ) اتفقّــدهـــا رســالة .. رسـالة ..

كنت أتمنى أن يكون هكذا


تقديري