مــدرّس يســأل الطالـب ..!!

[حمود الحجري]

المشاركة الأصلية كتبت بواسطة كمالية بنت السلطنة

السلام عليـكم ...



\\


(ما أصعب السوال عندما تكون الاجابـة عقيمـة !!)

\\
...


سألني شلون حبّيته ؟ وعيا الفكر لـا يْجاوب
أنا مـ ادري سبب حبه ولا كيف و متى وشلـون؟

غريبـه حالتي ويّاه ..تشبه حالة القـارب
لــ وين البحر م ايودّيـه يمشي بـْ كل خضوع وهـون

و حتى صاحبـه عاجز ..مع الامواج يتضارب
و هذا هوْ البحر (خلّي) و عقلي (الصاحب المجنون)

كثر ما يجرح بْـ قلبي أحبه دون ما اعاتب
ولو يقسى علّي أصبر واداوي جرحي المكنون

وأصدّق كلّ كلمـاته ولو كان الحكي ..كااذب
واقول لـ قلبي /: "لا تشره ..عزيز ن صاحبي ويْمون"

يـ ويلي كيف صار القلب بـ حضوره [فرس غاضب]
تروّض دقّته ..بسمة ..وتطفي ثورته.. العيـون

دريت إنْ كلّ شي في دنيتي لابدّ يتناسب
مع النصف المقدّر لـه و هذا هو (أساس الكون)

ولاكنّه ولاكنّي ..سالب ما رضى بـْ (سالب)!
رغم هذا عشقته والعشق جبّار لو تدرون

يغازل ذي و يمدح ذي ..كأنه فالهوى عازب
و قدامي يمثل دور عاشق للمحبه يْصون!

و رغم اللي يسوّي بي ..أبصبر والصبر غالب
يفوز بـ قوة الاصرار و فكر ن بالامل مضمـون

و يسألني وأحسّ إنه مدرس يسأل الطالب
وأنا بالحيرة أتنفس ودقاتي علي يبكون

وْ جوابي له عقيـم ودوم يكتبني معـه [ راسب ]
وهاذي هي قضيتنا ..عشقته.. بس مدري شلون ؟!



كمالية

كمالية

أنت مبدعة في كل ما تكتبين
تكتبين نصك بحرفنة

تقديري