جرحك وطن .. لميلاد اليماني

[عاشقة الصمت]

[QUOTE=ميلاد اليماني;105655][center]

[LEFT]جرحك وطن زيده من طعونك جروح
واغرس به اشواكك ولا تجرح يديك

خليني مثل الطير باقفاصه ينوح
يعشق هوى سجان في صمته ضميك

خليني مثل العيد في عامك واروح
واجيك رغم الصدّ .. في شوقي اجيك

ما انا بشاعر بس خفّاقي يبوح
لك في قصيده كلها لك او عليك

ما ابي اطوّل لك بتقديم الطروح
نظره تعاتب لك ونظره تشتكيك

هذي عيوني بينها كل الشروح
محمّله مليون جيجا شرح فيك

قلي بربك وين منك بس اروح
وانا دروبي كلها تمشي اليك

لو كنت صفحه بالسما مليون لوح
لو آخر الصفحات والله ما اكتفيك

لو كنت ظالمني فانا كلي سموح
ابشر انا ويّا العداله نحتريك

لو آخر ايامي بشايرها تلوح
يموت واليّ بالكفن ما قد نسيك

انفاسك اليّ عطرها كاذي يفوح
وفكري اليّ بالليالي يختليك

نمزج هوى روحين نبقى بس روح
ونكون واحد مالنا ثاني شريك

جرحك وطن يكفيك من جرحي وضوح
دامك وطن جرحي فحيا بك مليك

[SIZE="4"][COLOR="Red"]اشكرك أخي 000 ميلاد

قصيدة كلها مشاعر صادقه

وفقك ربي دوم
دمت بود

أختك 000 عاشقة الصمت