(سوق الوداع)

[سعيد الحجري]

المشاركة الأصلية كتبت بواسطة علي الغنبوصي

صباح / مساء الخير

كسرا لحاجز الغياب

وارجو ان يرجع المنتدى لسابق عهده

لقلوبكم البيضاء تقبلوا هذه المتواضعه

(سوق الوداع)

لو كانت الفرقى تباع و تشترى
ما خذتها من سوق سموه الوداع

ما دامها حظي بعد خل(ن) سرى
من عقبها يممت وجهي للضياع

لا تنشدون الميت شاللي به جرا
دام الجواب الصمت ما يشبع جياع

يقرأني الجاهل و لوّه ما قرا
من بعد ما كان الصبر ليّه قناع

كوخ العشق واخشابه اللي بالعراء
ما قاومن تلويحتك وسط البقاع

طاحن و وسط الكوخ شوق (ن) ما درا
في نظرته طيحه و وقفات الشجاع

وقّف على رجل الامل فوق الثرى
والطير من فوقه و عينه للمتاع

سيّر و بطنه ممتلي جوع فقرى
ما يشبعه لالك و يا صبح الخداع

يا صاحبي من لوعة ايامي ارى
يد الاماني ما تطاولها ذراع

و من واقع الدنيا على اللي ما طرى
يا كثرهم مايل مع اللي قد يشاع

اللي وقف قدام وفعوله وراء
الناس تضحك له و ماله من سماع

واللي تبع وهمه وراء يا هل ترى
ما عانق القمه و ما به فرح فاع

يا مضمدين الجرح جرحي ما برا
عامين لي والوقت يهديني صراع

بين الوصل وجفاك مالي من ذرا
عاري و برد البعد ما يهدي شعاع

شوفي حروفي في دواوين شعراء
من قبل تطري بعد فليت الشراع

علي الغنبوصي ///


شاعر يتدفق شعرا ونص به الصور التي تجعله يرقى

علي لك ودي اينما انت متواجد