أسئلة حيرتني

[غموض~]

المشاركة الأصلية كتبت بواسطة الوردة البيضاء

ليش نحس دائما بالوحدة رغم إنة حولنا الناس؟؟ليش لما نحصل الشخص إلي نرتاحلة ويفهمنا يجون حولنا الناس ويحاولون يشوهون صورتة؟؟ إذا كان شخص يتابعك دوم بعيونة ويشوف عليك شو بيكون تفسيرك لنظراتة؟؟ واللة طلع مو سؤال واحد!!! أتمنى منكم الرد..

غاليتي ,
هذا الشعور كثير م نحس فيه ,
و خاصه لما نتضايق ..

بس حاولي ترسلين لنفسك رسائل ايجابية ,
م تقولي ( انا وحيده ) , ( ليش انا كذا تعبت من الدنيا ) < هالكلمات تزيد من ضيقك م تخففه ..

و بالنسبة لـ سؤالك /
الناس؟؟ليش لما نحصل الشخص إلي نرتاح له ويفهمنا يجون حولنا الناس ويحاولون يشوهون صورته؟؟

انتي ليش تسمعين كلام الناس و تاخذين برايهم ؟
دام انتي واثقه من هالشخص و من تصرفاته انها عكس كلامهم ليش تسمعين كلامهم

حبيبتي .. لا تخلين أحد يمشي حياتك و تفكيرك ع كيفه ..
انتي لك افكارك و قناعاتك .. بس دايما وجهيها للشي الصحيح .. مو للشي الغلط ..
--
و بالنسبة لـ سؤالك ::

إذا كان شخص يتابعك دوم بعيونه ويشوف عليك شو بيكون تفسيرك لنظراته ؟

انا م رح اعطيك اجابه وحدهـ .. لان هالشي يعتمد ع الشخص نفسه ..
بس غالباً يكون شي عادي ..
حاولي م تتعمقي ف التفكير ,
لانه لو طلع هالشي مثل م قلت .. اكيد رح يتغير تفكيرك و تتشتت افكارك لو صار نفس هالموقف مره ثانية ..

---

و ابيك دايماً تتذكري ,
انك م لوحدك ..
اهلك وياك , و صديقاتك , و( انا )

اتمنى لك الخير اختي ..
و اذا ودك ف شي .. اعتبريني اختك

كل الود